Yobo vill fá Yakubu

Varnarmaðurinn sterki, Joseph Yobo, vill fá Yakubu til liðs við Everton frá Middlesbrough. Everton hefur verið á eftir leikmanninum í nokkra stund núna og gert tilraunir til að fá sóknarmanninn sterka. Yobo segir Yakubu vera heimsklassaleikmann, en þeir eru saman í nígeríska landsliðinu.

„Það er alltaf verið að leita að heimsklassaleikmönnum í liðið, Yakubu er án efa einn af þeim," sagði Yobo. „Ég er varnarmaður en ég vil hafa góða menn á miðju og í sókn til að taka álagið af mér. En þó að félagið kaupi ekki Yakubu eru leikmenn hér fyrir sem geta haldið okkur í baráttunni."