Mourinho: Benítez er undir mikilli pressu

José Mourinho segir að Rafael Benítez sé undir meiri pressu en áður að stjórna Liverpool til sigurs í ensku Úrvalsdeildinni. Benítez hefur þegar eytt um 40 milljónum punda í Fernando Torres, Ryan Babel og Yossi Benayoun og Mourinho segir að væntingar til sigurs í deildinni verði mjög miklar hjá aðdáendum liðsins.

„Pressan verður meiri á Liverpool á næsta tímabili því að nú geta þeir ekki bent á aðra," segir Mourinho. „Áður fyrr gátu þeir sagt að þau lið sem eyddu miklum peningum ættu að vinna deildina, en núna verða þeir að tala öðruvísi."

Mourinho segir einnig að Tottenham gæti komið á óvart næsta tímabil. „Tottenham hefur fleiri enska landsliðsmenn en önnur lið í deildinni og þeir hafa líka styrkt hópinn sinn mikið."

Mourinho bætti svo við að Manchester United, Liverpool, Arsenal, Tottenham og Chelsea ættu öll möguleika á titlinum. „Þessi lið eiga möguleika, en ég held enn að Chelsea sé með bestu leikmenn í heimi.