Sammy Lee biður um þolinmæði

Sammy Lee, knattspyrnustjóri Bolton, biður stuðningsmenn félagsins að sýna sér þolinmæði á meðan hann er að byggja upp liðið. Lee hefur fengið tólf nýja leikmenn til liðsins í sumar og segir hann að nýju leikmennirnir séu enn að aðlagast. Bolton tapaði fyrir Newcastle í fyrstu umferð úrvalsdeildarinnar á laugardaginn.

„Við höfum fengið marga nýja leikmenn og þeir hafa bara haft 5-6 vikur til að aðlagast. Það getur tekið tíma til að pússla liðinu saman og ég vona að stuðningsmennirnir sýni þolinmæði," sagði Sammy Lee. „En það afsakar ekki tapið gegn Newcastle, við komumst bara ekki í gang strax. Við erum ekki búnir að gleyma leiknum gegn Newcastle en núna einbeitum við okkur að leiknum gegn Fulham."