Enski boltinn

Vísir velur úrvalslið U21 leikmanna

Smelltu á myndaalbúmið og sjáðu hvaða leikmenn Vísir valdi í draumalið U21 leikmanna í ensku úrvalsdeildinni.
Markvörður: Scott Carson (Aston Villa) Mönnum hættir til þess að gleyma því Carson sé einungis 21 árs enda er hann lengi búinn að vera sá sem tippað er á að taki við af Paul Robinson sem landsliðsmarkvörður Englands. Gerði vel í fara til Aston Villa á láni í staðinn fyrir að sitja á bekknum hjá Liverpool.
Hægri bakvörður: Micah Richards (Man City) Sýndi hversu sterkur hann er með frábærri frammistöðu gegn West Ham um helgina. Richards er aðeins nítján ára gamall.
Miðvörður: Gerard Pique (Man Utd) Spánverji sem eyddi síðasta tímabili á láni hjá Real Zaragoza. Þar var hann lykilmaður í vörninni þrátt fyrir að vera aðeins 20 ára gamall.
Miðvörður: Younes Kaboul (Tottenham) Þrátt fyrir að hafa tapað um helgina voru nokkrir ljósir punktar í leik Tottenham. Þar á meðal frammistaða hins unga Younes Kaboul.
Vinstri bakvörður: Gareth Bale (Tottenham) Meiðsli héldu honum frá opnunarleiknum gegn Sunderland en frammistaða hans með Southampton í fyrra sýna hversu öflugur leikmaður er hér á ferð. Bale er 18 ára gamall.
Hægri kantur: Aaron Lennon (Tottenham) Sló í gegn á síðasta heimsmeistaramóti. Náði illa að fylgja því eftir í fyrra vegna meiðsla en ætlar að sanna sig í ár. Gríðarlega fljótur og útsjónarsamur leikmaður.
Miðja: Cesc Fabregas (Arsenal) Fyrirliði Úrvalsliðsins. Ótrúlega reynslumikill miðað við aldur. Hefur leikið marga stóra leiki og staðist álagið með stæl.
Miðja: Lucas Leiva (Liverpool) Sá sem fær að öllum líkindum minnst að spila í vetur. Brassarnir segja að þessi leikmaður hafi allt sem til þarf til að verða einn besti leikmaður í heimi. Leiva er líkamlega sterkur, sókndjarfur miðjumaður.
Hægri kantur: Nani (Man Utd) Ekki eins snöggur og Lennon, en bætir að upp og gott betur með ótrúlegri leikni. Ef hann styrkir sig líkamlega gæti hann orðið jafn góður og jafnvel betri en Ronaldo.
Framherji: Gabriel Agbonlahor (Aston Villa) Einn af spútnik leikmönnum síðasta tímabils. Heillaði áhorfendur með hraða og tækni, auk þess sem hann var markahæsti sóknarmaður liðsins. Verður 21 árs á þessu ári.
Framherji: Ryan Babel (Liverpool) Sýndi hvað í honum býr með tveim góðum skotum á mark í leik helgarinnar gegn Aston Villa. Þarf að venjast hinum líkamlega varnarleik í Englandi til þess að verða stjarna.

Mest lesið


Fleiri fréttir

Sjá meira


×

Mest lesið