Suker spáir Englandi áfram

Davor Suker segist sannfærður um að England muni komast í lokakeppni Evrópumótsins. Til þess að það gerist má enska liðið alls ekki tapa fyrir hans mönnum í Króatíu á morgun.

„Króatía og England munu verða í lokakeppninni. Það er aldrei auðvelt að vinna England á Wembley og ég spái því að enska liðið fari alla leið og verði sterkt í lokakeppninni í Austurríki og Sviss," sagði Suker í viðtali.

Króatar eru þegar öruggir áfram en Suker trúir því ekki að leikið verði upp á jafntefli á morgun. „Nei, ég neita að trúa því," sagði Suker sem er markahæsti leikmaður króatíska landsliðsins frá upphafi.