Legg mig allan fram fyrir Chelsea

Didier Drogba, sóknarmaður Chelsea, segist vera ánægður hjá félaginu. „Það er erfitt að leggja sig allan fram fyrir félag sem maður er ekki ánægður hjá. Ég legg mig allan fram fyrir Chelsea því ég er ánægður," sagði Drogba.

Stöðugur fréttaflutningur hefur verið þess efnis að Drogba vilji losna frá Chelsea. „Mér þykir vænt um stuðningsmenn Chelsea, þeir hafa sýnt mér mikla virðingu og það er mikilvægt," sagði Drogba.

Drogba var mjög ósattur við það þegar Jose Mourinho var rekinn frá Chelsea. „Hann var maðurinn sem fékk mig til Englands, bestu deildar í heimi. Samskiptin milli okkar hafa alltaf verið góð og eru það enn. Ég er enn í sambandi við hann," sagði Drogba.

Drogba sér eftir ummælum sínum við franska fjölmiðla þar sem hann sagðist ósáttur hjá Chelsea og að hann vilji yfirgefa félagið.

Franska liðið Lyon fylgist grannt með gangi mála hjá Drogba en frönsku meistararnir vilja ólmir fá hann í sínar raðir. Það sama á við um ítalska stórliðið Juventus.