Hataði Benitez

Neil Warnock, fyrrum stjóri Sheffield United, lýsir því í nýútkominni ævisögu sinni hversu mikið hann hataði kollega sinn hjá Liverpool, Rafael Benitez, eftir lokasprett síðasta tímabils. Liverpool tapaði fyrir Fulham í næstsíðustu umferð deildarinnar og segir Warnock að þau úrslit hefðu orðið Sheffield að falli.

„Það voru tvær vikur í úrslitaleik Meistaradeildarinnar en samt hvíldi hann níu lykilmenn. Níu. Ég vissi ekki að hægt væri að fara niður á svo lágt plan. Í vikunni á eftir gegn Charlton spilaði hann með miklu sterkara lið í leik sem skipti engu máli. Þetta var gríðarleg óvirðing og ég fann fyrir hatri í garð Benitez á þessum tíma,“ segir Warnock.