Var dæmdur til dauða

Ali Hassan al-Majid eða „Efnavopna-Ali" eins og hann er kallaður hefur verið dæmdur til dauða af íröskum dómstóli fyrir stríðsglæpi.

Tveir áratugir eru síðan Al-Majid gaf íraska hernum skipun um að nota efnavopn sem sögð eru hafa fellt hundrað og áttatíu þúsund manns á árunum 1980 til 1988 en á þeim árum geisaði stríð á milli Íraks og Írans. Tveir aðrir voru dæmdir til dauða en það voru þeir Hashim Ahmad al-Tai, fyrrverandi varnarmálaráðherra Íraks, og Hussein Rashid Mohammed, fyrrverandi aðstoðarmaður í Íraksher.