Tíu fórust í eldi í Rússlandi

Tíu fórust í eldsvoða á hjúkrunarheimili í þorpi í Síberíu í Rússlandi gærmorgun. Yfir 300 sjúklingar björguðust úr eldinum. Fjórir voru fluttir á sjúkrahús með brunasár og önnur meiðsl.

Eldvarnarkerfið virkaði sem skyldi en vakthafandi hjúkrunarkona var fjarri þegar það fór af stað og gat því ekki gert sjúklingum viðvart og kallað á slökkvilið. Ógætnir vistmenn eru taldir hafa valdið eldinum.

Eldurinn í gær bætist við röð mannskæðra eldsvoða í Rússlandi undanfarið sem hafa margir orðið vegna grófrar vanrækslu á öryggiseftirliti.