Konungur Nepals

Forsætisráðherra Nepals, Girija Prasad Koirala, vill að konungur Nepal, Gyanendra, og krónprinsinn Paras afsali sér krúnunni áður en íbúar Nepals ganga til mikilvægra kosninga sem ákvarða pólitíska framtíð þjóðarinnar, að því er nepalskir fjölmiðlar greina frá.

Koirala hefur stungið upp á að fimm ára gamall sonarsonur Gyanendra fái að taka við krúnunni án formlegra valda sem muni bjarga hinu 240 ára gamla konungsveldi.

Gyanendra, sem er afar óvinsæll í Nepal, neyddist til að láta af valdboðsstjórnun sinni í fyrra eftir að mótmæli höfðu staðið yfir mánuðum saman.