Líbanski herinn bætir við herlið

Bandaríkin og Arabaríki hófu að senda hernaðaraðstoð til Líbanon í gær til að styrkja stjórnarherinn í átökunum við herskáu samtökin Fatah íslam sem hafa staðið yfir síðan á sunnudag.

Lát hefur orðið að mestu á bardögum undanfarna daga og á meðan hefur stjórnarherinn bætt við herliðið sem umkringir palestínsku flóttamannabúðirnar Nahr el-Bared þar sem samtökin halda til.

Líkur eru taldar á að stjórnarherinn leggi til atlögu inn í búðirnar sem yrði að öllum líkindum blóðugur bardagi, eða að til langtíma umsátursástands komi til að knýja fram uppgjöf.