Jewell tekur ekki við Wigan á ný

Paul Jewell, fyrrum knattspyrnustjóri Wigan, útilokar að hann taki aftur við liðinu. Jewell hætti eftir síðasta leiktímabil og Chris Hutchings var ráðinn í hans stað. Wigan hefur gengið illa í ensku úrvalsdeildinni og var Hutchings rekinn.

Talið var að Jewell yrði fyrsti kostur Wigan. „Hann hefur sagt okkur það að hann vilji ekki fá stöðuna," sagði talsmaður Wigan.

Wigan er í nítjánda sæti deildarinnar sem stendur en liðið er aðeins með tvo sigra í þrettán leikjum.

Graeme Souness og Joe Royle eru meðal manna sem orðaðir eru við stjórastöðu Wigan.