Golfkúla á sporbaug um jörðu

Þriggja gramma golfkúla er nú á sporbaug um jörðu eftir að rússneskur geimfari mundaði golfkylfuna í Alþjóðlegu geimstöðinni, í auglýsingaskyni fyrir kanadískan golfkylfuframleiðanda. Kúlan mun líklega fljúga um sporbaug í tvo til þrjá daga en á þeim tíma gæti hún náð að ferðast hátt í tvær milljónir kílómetra.

Rússar hafa verið duglegir að taka upp auglýsingar í geimstöðinni, til að fjármagna geimferðaáætlun sína. Þess er skemmst að minnast þegar þeir máluðu merki Pizza Hut á eldflaug og létu geimfara taka mynd af pepsidós í lausu lofti fyrir utan geimstöðina.

Uppátækið er meðal annars gert til að fagna 35 ára afmæli golfhöggs Neils Armstrongs á tunglinu.