Öll orkuvinnsla þjóðnýtt í Bólivíu

Evo Morales, forseti Bólivíu, hefur þjóðnýtt alla orkuvinnslu í landinu. Forsetinn tilkynnti þetta í fyrsta maí ræðu sinni í gær. Hann sagði öll erlend orkufyrirtæki, sem starfa í Bólivíu, verði að samþykkja að að beina allri sölu sinni í gegnum bólivíska ríkið ellegar fara með starfsemi sín úr landi. Morales hefur gefið fyrirtækjum í landinu hálfs árs frest til að verða við kröfunni. Her landsins og orkufulltrúar ríkisins hafa þegar byrjað að taka yfir stjórn gaslinda í landinu. Stjórnvöld í Brasilíu og á Spáni hafa þegar lýst yfir áhyggjum vegna ákvörðunar forsetans en stærstu orkufyrirtækin sem starfa í Bólivíu koma þaðan og frá Bandaríkjunum, Bretlandi og Frakklandi.