Stór lögregluaðgerð gegn mansali og vændi í Noregi

"Okkur grunar að margar kvennanna hafi komið til Evrópu í gegnum Ítalíu. Þaðan hafi þær svo unnið sig upp til Noregs í gegnum þvera Evrópu. Lögreglan í Kaupmannahöfn tók einnig þátt í aðgerðunum, þar sem ýmis mál þar í landi tengjast þessum vændishring," sagði Iver Stensrud, hjá rannsóknarlögreglunni í Osló.

Yfir 20 nígerískar konur voru færðar á lögreglustöð í Osló í tengslum við rannsóknina en aðeins fáar þeirra vildu tjá sig við lögregluna.

Í Björgvin voru níu manns handteknir vegna gruns um kynlífssölu og mansal auk þess sem taílenskar vændiskonur voru fluttar á lögreglustöðina. Ekki fékkst uppgefið hversu margar þær voru.