Ráðist á æfingabúðir Tamíltígra

Uppreisnarmenn Tamíltígra á Srí Lanka segja stjórnarherinn þar í landi hafa efnt til átaka á nýjum vígstöðvum í morgun þegar þeir vörpuðu sprengjum á æfingarbúðir tígranna í Batticaloa. Að sögn Tamíltígra féllu fjölmargir liðsmenn í árásinni.

Átök hafa harnað í landinu síðustu vikur. Vopnahléssamkomulag er í gildi og norrænt friðargæslulið haft eftirlit með framkvæmd þess. Eftir er að ákveða hvort íslenskum gæslumönnum verður fjölgað á Srí Lanka þegar fækkar í liðinu síðar í mánuðinum.