Bush beitir neitunarvaldi

Bush Bandaríkjaforseti beitti neitunarvaldi í gær til að koma í veg fyrir lög um styrki til stofnfrumurannsókna. Hann hefur ekki beitt neitunarvaldinu áður.

Öldungadeildin samþykkti frumvarpið með miklum meirihluta og aðeins fjögur atkvæði vantaði til að Bush hefði ekki getað beitt neitunarvaldi. Í því fólst að fjárveitingar og ríkisstyrkir til stofnfrumurannsókna hefðu verið auknir til mikilla muna, í því augnamiði að geta hjálpað fólki með alvarlega sjúkdóma eins og Parkinson og Alsheimer. Það var meira en siðferði forsetans þoldi.

Samkvæmt skoðanakönnunum studdi mikill meirihluti Bandaríkjamanna frumvarpið og Demókratar eru gjörsamlega æfir út í forsetann.