Barnung fórnarlömb sprengju borin til grafar

Tvö palestínsk börn og einn unglingur sem létust í loftárás Ísraelsmanna í gær voru borin til grafar í dag með hundruða manna líkfylgd. Forsætisráðherra Palestínu sakaði Ísraela um handahófskennd raðmorð á saklausum palestínskum borgurum.

Börnin tvö, fimm og sjö ára, létust samstundis þegar eldflaug var skotið úr ísraelskri flugvél í gær á Jebaliya flóttamannabúðirnar í norðurhluta Gaza. sextán ára stúlka lést skömmu seinna af sárum sínum. Palestínskir vígamenn sem árásinni var miðað gegn sluppu ómeiddir en auk ungmennanna þriggja sem létu lífið, slösuðust níu aðrir óbreyttir borgarar.

Árásin dró enn úr vilja Hamas-hreyfingarinnar til að friðmælast við Ísraelsmenn. Ismail Haniyeh, forsætisráðherra Palestínsku heimastjórnarinnar heimsótti Palestínsku mannréttindamiðstöðina í morgun og sagði þar að mannréttindastaða Gazabúa færi hríðversnandi eftir því sem ísraelar gerðu fleiri árásir á svæðið. Hann lét þung orð falla í garð Ísraelsmanna og kallaði loftárásir þeirra meðal annars fjöldamorð á börnum