Ætla ekki að hætta auðgun úrans

Íranar ætla ekki að hætta auðgun úrans sama hvað tautar og raular. Þeir eru hins vegar tilbúnir að hleypa eftirlitsmönnum Sameinuðu Þjóðanna aftur inn í landið ef öryggisráðið hættir að fjalla um kjarnorkuþróun landsins. Þrjár þjóðir í öryggisráðinu vilja refsa Írönum þegar í stað.

En á meðan Íranar vilja að málið færist niður um eitt þrep, frá öryggisráðinu og aftur til alþjóða kjarnorkumálastofnunarinnar, eykst þrýstingurinn frá alþjóðasamféalginu um að færa málið upp um eitt þrep og nú sé að minnsta kosti komið að viðskiptaþvingunum. Þannig vilja Frakkar, Bretar og síðast en ekki síst Bandaríkjamenn að Íranar verði beittir refsiaðgerðum þegar í stað. Sem fyrr er ekki sátt um það og þannig eru fulltrúar Rússa og Kínverja sannfærðari en nokkru sinni um að þolinmæði sé dyggð og enn eigi að reyna að telja stjórnvöldum í tehran hughvarf.