Myndband af al-Zarqawi í fyrsta sinn

Myndband sem virðist sýna Abu Musab al-Zarqawi, leiðtogi al-kaída í Írak, var birt á vefsíðu íslamskra öfgamanna í dag. Al-Zarqawi er sagður hafa lagt á ráðinu um mannskæðar árásir og morð í Írak. Fyrir vikið hefur jafnvirði tæpra tveggja milljarðar króna verið settir honum til höfuðs.

Breska ríkisútvarpið, BBC, hefur eftir bandarískum sérfræðingum að þeir telji myndbandið ófalsað. Reynist það rétt er þetta í fyrsta sinn sem al-Zarqawi kemur fram á myndbandi án þess að hylja andlit sitt.

Á myndbandinu segir meintur al-Zarqawi að heilagir bardagamenn haldi áfram þriggja ára herferð sinni gegn hersetuliði þar í Írak. Hann segir það sem sé í vændum verra en það sem hafi dunið á hingað til.