Reynt að smygla hreisturdýrum frá Taílandi

245 hreisturdýr fundust í dag í flugfarmi á alþjóðaflugvellinum í Bangkok í Taílandi. Dýrin eru í útrýmingarhættu en eru álitin hollt og gott sælgæti í Kína og í Víetnam og afurðir úr þeim þykja hafa lækningamátt.

Alþjóðlegu dýraverndunarsamtökin WildAid segja hreisturdýrin hafa fundist í stórum farmi sem merktur var sem skjaldbökufarmur eingöngu. Hreisturdýrin voru í kössum innan um skjaldbökur af ýmsum tegundum.

Hreisturdýrasmygl er afar ábótasamt og er stundað í stórum stíl í Suðaustur-Asíu, sem og smygl á öðrum villtum dýrum. Fyrir eitt hreisturdýr fást 15 til 20 þúsund krónur. Að sögn dýraverndunarsamtaka er vandamálið útbreitt vegna mikillar eftirspurnar á svæðinu, góðs samgöngu- og flutninganets á svæðinu og almenns þekkingarskorts fólks á náttúruvernd.

Taílenska lögreglan hefur nú tvo menn í haldi vegna smyglsins.