Hvetur til drengilegra forsetakosninga í Venesúela

Manuel Rosales, aðalkeppinautur Hugo Chavez í kólumbísku forsetakosningunum sem haldnar verða á sunnudaginn, hvatti ríkisstjórn Chavez til að keppa drengilega og reyna ekki að hagræða úrslitum forsetakosninganna á síðasta baráttufundi sínum í gær, í Zileta-héraði, þar sem hann er ríkisstjóri.

Barátta Chavez og Rosales sýnir víkkandi gjá í venesúelsku þjóðfélagi, á milli fátækra, sem hylla Chavez, og hinna efnameiri sem fylkja sér bak við Rosales.

Báðir hvetja stuðningsmenn sína til að vera á varðbergi fyrir kosningasvindli en almenningur í landinu birgir sig nú upp af matvælum og nauðsynjavöru, af ótta við það að óróinn í kringum baráttu mannanna tveggja leiði til mótmæla og óeirða.