Grunur um fuglaflensu á Indlandi

Yfirvöld á Indlandi hafa sent blóðsýni úr farfuglum sem fundist hafa dauðir í vesturhluta Bengal-skóganna síðustu vikuna til rannsókna vegna gruns um fuglaflensu. Veikinnar hefur ekki orðið vart í landinu áður en stjórnvöld vilja ekki taka neina áhættu enda hefur H5N1-stofn fuglaflensuveirunnar þegar dregið rúmlega 60 manns til dauða í Asíu.

Alls hafa um 40 fuglar fundist dauðir í einu af fimm fuglaverndunarsvæðum í Bengal-héraði en þangað koma m.a. farfuglategundir sem vitað er að geti borið veiruna.