Bretaprins yfirheyrður

Karl Bretaprins var kallaður til yfirheyrslu í síðustu viku en yfirheyrslan var liður í óháðri rannsókn á dauða Díönu prinsessu, fyrrverandi eiginkonu Karls, og Dodis al-Fayed, ástmanns hennar árið 1997. Að því er dagblaðið Sunday Times hermir stóð yfirheyrslan yfir í fjölda klukkustunda.

Rannsókn málsins í Bretlandi var tekin upp að nýju í janúar 2004 að beiðni konunglega réttarlæknisins Michael Burgess. Franskur dómstóll komst að þeirri niðurstöðu árið 1999 að um slys hafi verið að ræða.