Ná ekki samkomulagi um reykingabann

Breska ríkisstjórnin nær ekki að koma sér saman um lög gegn reykingum, sem átti að kynna í gær. Nokkra ráðherra greinir á um hvort bannið eigi að ná til allra opinberra staða eða hvort undanskilja eigi veitingastaði sem ekki selja mat. Þá er einnig uppi ágreiningur um hvort leyfa eigi eitt sérstakt reykherbergi í hverri byggingu. Búist er við að málamiðlunin verði sú að lagt verði fram almennt frumvarp um reykingabann en ákvæði sem lúta að fyrrgreindum þáttum verði lögð fram síðar.