Norðmenn græða á fuglaflensu

Fuglaflensa leiðir ekki aðeins til útgjalda fyrir ríki heims. Norðmenn hafa komist að raun um að það er líka hægt að græða á óttanum við fuglaflensu.

Verdens Gang greinir frá því í dag að norsk stjórnvöld hafi hagnast um níu milljarða íslenskra króna vegna aukinnar sölu fuglaflensulyfsins Mediflu. Lyfið er framleitt af lyfjarisanum Roche sem norski olíusjóðurinn hafði fjárfest í fyrir rúma tuttugu milljarða króna. Nú hefur stóraukin sala Mediflu og hækkandi gengi hlutabréfa í Roche orðið til þess að verðmæti eignar Norðmanna hefur aukist um níu milljarða króna.