Tamiflu nánast uppselt í Danmörku

Ótti Dana við fuglaflensu er slíkur að nú er inflúensulyfið Tamiflu nánast uppselt í apótekum og hjá heildsölum í landinu. Sala á lyfinu jókst mikið í síðasta mánuði og hefur einnig aukist í þessum í kjölfar frétta af því að hin banvæni H5N1-stofn veirunnar hafi greinst í fuglum í Austur-Evrópu.

Heilbrigðisyfirvöld í Danmörku hafa reynt að róa landsmenn og gagnrýnt lækna fyrir að skrifa upp á of mikið af flensulyfinu þar sem fjölmargir hafi engin not fyrir það og muni að öllum líkindum ekki hafa það.