Wilma fer yfir Flórída

Fellibylurinn Wilma fer nú yfir Flórída í Bandaríkjunum og skilur eftir sig slóð eyðileggingar í Mexíkó og á Kúbu. Krakkarnir á suðvesturströnd Flórída gátu leikið sér á ströndinni í gærdag þegar Wilma fór að láta kræla á sér. En nú fer hún yfir Flórídaskagann af miklum krafti og er þegar farin að geta af sér hvirfilbili sem geta valdið miklum skemmdum. Rigningin er lárétt.

Ingvi Hrafn Jónsson útvarpsmaður var einn þeirra sem yfirgáfu hús sitt á Flórída Keys, eyjunni við suðurodda skagans. Hann er nú í Fort Lauderdale og segir að þök hafi rifnað af húsum í heilu hverfunum.

Þetta er áttundi fellibylurinn sem íbúar Flórída fá yfir sig á fjórtán mánuðum. Wilma hefur þegar valdið dauða 17 manna, sjö í Mexíkó og tíu á Haití.