ESB leggur fram meira fé vegna hamfara

Framkvæmdastjórn Evrópusambandsins hefur ákveðið að leggja fram 80 milljónir evra, um 5,8 milljarða króna, til að aðstoða fórnalömb hamfaranna í Pakistan. Þetta var ákveðið á fundi í dag.

Evrópusambandið hafði þegar veitt 14 milljónir evra til hjálparstarfs á hamfarasvæðunum en eftir ákall bæði pakistanskra yfirvalda og Sameinuðu þjóðanna var ákveðið að leggja meira fé fram enda eru hátt í þrjár milljónir manna heimilislausar eftir jarðskjálftann 8. október og þörf á gríðarmikilli aðstoð. Talskona ESB segist búast við að sambandið leggi til meira fé á næstu vikum og mánuðum.