Danir hamstra fuglaflensulyf

Ótti við fuglaflensu hefur gripið um sig í Danmörku og greinir danska blaðið Politiken frá því að Danir hamstri nú inflúenslyfið Tamiflu, en fréttir hafa borist af því að fuglaflensan hafi greinst í Evrópu. Þrjú þúsund pakkningar af lyfinu hafa seldust í ágúst og september samkvæmt Apótekarafélagi Danmerkur en á sama tímabili í fyrra var lyfið sent aftur til framleiðenda þar sem það seldist ekki. Heilbrigðisyfirvöld í Danmörku segja hins vegar enga ástæðu til að hamstra lyfið og segja að unnið sé að því að tryggja að þeir sem þurfi á Tamiflu að halda fái lyfið. Það sé ekki heppileg þróun að fólk reyni að lækna sig sjálft þar sem hætta sé á að lyfið verði notað á rangan hátt. Yfirvöld í Danmörku búa sig líkt og önnur Evrópuríki undir að fuglaflensan verði að heimsfaraldri og vinna að aðgerðaáætlun gegn slíkum faraldri ef hann kemur upp.