Meira en helmingur fórnarlamba yfir sextugu

Meira en helmingur þeirra sem létust af völdum fellibylsins Katrínar voru yfir sextugu. Nýjar tölur frá heilbrigðisyfirvöldum í Louisiana benda til að langflest fórnarlömb fellibylsins hafi verið eldri borgarar sem ýmist gátu ekki eða vildu ekki yfirgefa heimili sín. Um sextíu prósent af þeim fórnarlömbum sem þegar hefur verið borið kennsl á voru yfir 61 árs aldri. Þá var fjórðungur allra líka sem fundust í Louisiana fyrir utan spítala og elliheimili.