Þriðja tilfellið í Rússlandi

Fuglaflensa hefur greinst á ný í evrópska hluta Rússlands. Yfirvöld hafa staðfest að H5N1 stofn fuglaflensunnar hafi greinst í Tambov, fjögur hundruð kílómetra suðaustur af Moskvu.

Þetta er sá stofn fuglaflensu sem dregið hefur meira en sextíu manns til bana í fjórum ríkjum Asíu. Í síðustu viku greindist fuglaflensan í Tulahéraði, tvö hundruð kílómetra suður af Moskvu og grunur lék á smiti í Altai héraði sem liggur að Tulahéraði. Fuglaflensa hafði áður greinst í asíska hluta Rússlands.