Vilja refsa Sýrlendingum fyrir morðið á Hariri

Utanríkisráðherrar Bandaríkjanna og Bretlands vilja að gripið verði til aðgerða gegn Sýrlendingum vegna morðsins á Rafik Hairiri, fyrrverandi forsætisráðherra Líbanons.

Niðurstöður rannsókna benda til að háttsettir menn innan stjórnkerfis Sýrlands hafi átt aðild að morðinu. Bæði Condoleezza Rice og Jack Straw sögðu í gær að alþjóðasamfélagið gæti ekki setið aðgerðarlaust hjá og grípa yrði til aðgerða vegna málsins. Líklegt þykir að öryggisráð Sameinuðu Þjóðanna álykti um málið næst þegar það kemur saman.