Flugvélin fundin

Flak nígerísku farþegaþotunnar sem fórst skömmu eftir flugtak frá borginni Lagos í morgun, er fundið. Flakið fannst í héraðinu Kishi Oyo. 116 manns voru um borð í þotunni og ekki er ljóst hvort nokkur hafi komist lífs af. Vélin var á leiðinni til Ajuba, höfuðborgar Nígeríu en meðal annarra voru um borð hátt settir embættismenn stjórnvalda. Flugslys hafa verið tíð að undanförnu en þetta er sjötta farþegavélin sem ferst á þremur mánuðum í heiminum. Björgunarstarf stendur nú yfir.