66 látnir í Nígeríu

Flak nígerísku farþegaþotunnar sem fórst skömmu eftir flugtak frá borginni Lagos í Nígeríu í morgun, er fundið. Alls létust sextíu og sex manns í slysinu en eitt hundrað og sextán manns voru um borð. Flakið fannst í héraðinu Kishi Oyo í Nígeríu. 116 manns voru um borð í þotunni en aðeins fimmtíu manns komust líf af. Vélin, sem var af gerðinni Boeing 737, var í eigu flugfélagsins Bellview Airlines og var á leiðinni til Ajuba, höfuðborgar landsins. Meðal annarra voru um borð hátt settir embættismenn stjórnvalda. Björgunarstarf stendur nú yfir en vélin brotlenti í um 200 kílómetra fjarlægð frá höfuðborginni Lagos, samkvæmt fréttavef CNN en hún hvarf skömmu eftir flugtak Þjóðerni farþeganna er enn ekki vitað en þó er talið að flestir hafi verið nígerískir. Flugslys hafa verið tíð að undanförnu en þetta er sjötta farþegavélin sem ferst á þremur mánuðum í heiminum.