300 lögreglumenn í skotbardaga

Aðgerðin Drekaveiðin eða „Dragon Hunting“ var hrundið af stað í morgun til að handsama einn harðsvíraðasta glæpamann Taívans. Chang She-ming er grunaður um aðild að fjölda skotárása og listinn yfir glæpi er langur. Lögregla fékk vísbendingar um að Chang héldi til í Suður-Taívan og samstundis voru yfir 300 lögreglumenn sendir á staðinn. Til átaka kom milli lögreglu og glæpamanna og skothríð stóð yfir í fleiri klukkutíma áður en Chang og fylgismenn hans freistðu þess að komast út úr húsinu. Þeir komust að lokum út úr húsinu og tóku með sér sextíu og sjö ára nágranna sem gísl. Glæpamennirnir rændu svo bíl og bílstjóranum og komust eitthvað áfram. Nágranninn komst hins vegar í burtu og sagðist eftir á hafa haldið að mennirnir hafi verið lögreglumenn; annars hefði hann kýlt þá kalda því hann væri ekki hræddur við byssur.  Mennirnir náðust skömmu seinna. Ótrúlegt þykir að enginn hafi látið lífið í þessum átökum en fjórir lögreglumenn særðust.