Hungurverkfall palestínskra fanga

Þúsundir palestínskra fanga sem sitja í fangelsum í Ísrael eru nú í hungurverkfalli til að mótmæla slæmum aðbúnaði. Þeir krefjast umbóta en öryggismálaráðherra Ísraels segir að sér sé sama þó að þeir svelti til dauða. Fangarnir vilja meðal annars að fangaverðir hætti að gera líkamsleit á nöktum föngum og þeir vilja að ættingjar fái að koma oftar í heimsókn. Þeir krefjast þess einnig að salernisaðstæður verði bættar og almenningssímar settir upp. Á myndinni sjást palestínsk börn krefjast lausn fanganna á Gaza-ströndinni í morgun.