Varar við notkun netvafra

Bandaríska heimavarnaráðuneytið mælir ekki með því að fólk noti netvafrann Internet Explorer, frá Microsoft. Ástæðan er gloppur í varnarkerfi Microsoft, sem gerir tölvuþrjótum kleift að yfirtaka algerlega tölvuna. Vandamálið er að Interneet Explorer sér ekki alltaf hvort einhver er að hlaða niður efni frá öðrum netsíðum en þeim sem viðkomandi heldur að hann sé á. Þarmeð er hægt að vera inni á netsíðu sem getur skaðað tölvuna, eða opnað hana fyrir öllum. Aðvörun heimavarnarráðurneytisins nær einnig til rafpóstmiðlarans Outlook, sem er einnig frá Microsoft. Ráðuneytið mælir ekki með neinum sérstökum netvafra, í staðinn. En aðrir vafrarar sem er hægt að hlaða niður, frítt, af netinu eru til dæmis Mozilla, Netscape og Opera.