Erlent

Obama styður fíkniefnastríð mexíkóskra stjórnvalda

Barack Obama, Bandaríkjaforseti, kveðst styðja fíkniefnastríð mexíkóskra stjórnvalda sterkt og ákveðið. Obama er staddur í Guadalajara þar sem hann fundar með Felipe Calderon, forseta landsins, og Stephen Harper, forsætisráðherra Kanada. Þremenningarnir ræða meðal annars fíkniefnastríðið, svínaflensuna og horfur í efnahagsmálum.

Erlent

Ræðismaður Ísraela tekinn á teppið

Utanríkisráðherra Ísraels hefur lagt til að ræðismaður landsins í Boston segi af sér fyrir að gagnrýna stefnu stjórnvalda í landnemabyggðum. Nadav Tamir ræðismaður Ísraels í Boston skrifaði um landnemabyggðir Ísraels á herteknu svæðunum í minnisblaði sem ætlað var til innanhússbrúks.

Erlent

Chavez brjálaður út í Kólombíumenn

Forseti Venesúela, Hugo Chavez, sakar Kólombíumenn um hernaðaraðgerðir gegn landi sínu. Hann segir að Kólumbískir hermenn hafi sést fara yfir Orinoco ánna sem myndar landamæri á milli landanna, og yfir á yfirráðasvæði Venesúela.

Erlent

Tugir látnir í sprengjuárásum í Írak

Tæplega fjörutíu létust í fjórum bílsprengjum sem sprungu með skömmu millibili í írösku borgunum Mosul og Bagdad í morgun. Að minnsta kosti 150 eru særðir að því er breska ríkisútvarpið BBC greinir frá.

Erlent

Átta létust í eftirför lögreglu

Átta létust í bílslysi í Kalíforníu í gær, þar af fimm börn. Ökumaður bíls af gerðinni Dodge Neon sem hafði ekki virt stöðvunarskyldu reyndi að komast undan lögreglunni á ofsahraða og á meðan á eftirförinni stóð ók hann á fullri ferð á pallbíl. Börnin sem voru á aldrinum eins til átta ára voru öll um borð í pallbílnum. Þrír fullorðnir sem voru um borð í flóttabílnum létust einnig á staðnum. Þá eru tveir fullorðnir sem voru með börnunum í bílnum á sjúkrahúsi, alvarlega slasaðir.

Erlent

Milljón flúði Morakot

Um ein milljón manna þurfti að yfirgefa heimili sín í strandhéruðum Kína í gær og í nótt þegar fellibylurinn Morakot reið þar yfir. Morakot náði um 120 kílómetra hraða í mestu vindhviðunum og eyðilagði hús og færði akurlendi á kaf. Íbúar á ströndinni sluppu þó flestir vel en tilkynnt hefur verið um eitt dauðsfall í kjölfar fellibylsins sem nú hefur dregið úr styrk sínum og kallast nú hitabeltisstormur.

Erlent

Risastórar virkjanir hrekja fólk úr landi

Áform stjórnvalda í Búrma um að reisa tvær stórar stíflur ógna fólki af Karenþjóðinni, sem í meira en sex áratugi hefur barist fyrir stofnun sjálfstæðs ríkis við landamæri Taílands.

Erlent

Milljón manna þurft að flýja heimili sín

Um ein milljón manna hefur þurft að yfirgefa heimili sín í Kína vegna mikilla flóða af völdum fellibylsins Morakot. Áður hafði fellibylurinn riðið yfir Taívan og Filippseyjar. Einn hefur látið lífið í Kína. Tuga manna er saknað í Taívan og að minnsta kosti 21 hefur látið lífið á Filippseyjum, og sjö til viðbótar er saknað. Þrír evrópskir ferðamenn eru á meðal þeirra sem saknað er.

Erlent

Þúsundir deyja úr snákabitum

Um sex þúsund manns deyja árlega af völdum snákabita í Bangladesh. Snákabit eru önnur algengasta dánarorsökin af ónáttúrulegum orsökum í landinu. Drukknun er algengasta orsökin.

Erlent

Segir útrýmingarbúðirnar helvíti á jörðu

Benedikt XVI. páfi hélt ræðu í Castel Gandolfo á Ítalíu á sunnudag, þar sem hann sagði að útrýmingarbúðir nasista væru ýkt tákn illsku og helvíti á jörðu. Hann sagði þær dæmi um hvernig helvíti kæmi fram á jörðu þegar menn gleymdu guði og tækju sér vald til að dæma sjálfir hvað sé rétt og rangt og gefa og taka líf.

Erlent

Þrjár sprengjur á Mallorca í dag

Þrjár sprengjur hafa sprungið á Mallorca í dag. Aðskilnaðarsamtök Baska eru sögð bera ábyrgð á öllum árásunum þremur en þau gerðu lögreglu viðvart áður en sprengjurnar sprungu.

Erlent

Sprengja sprakk á strandbar á Mallorca

Sprengja sprakk við strandbar á spænsku eyjunni Mallorca. Samkvæmt fjölmiðlum á Spáni var varað við sprenginunni með símtali. Ekki er vitað til þess að neinn hafi látist í sprengingunni.

Erlent

Vísbending frá Ástralíu vegna Madelaine McCann

Kona í Ástralíu hefur sett sig í samband við lögeglu og segist vita hver konan sé sem leitað er að í tengslum við hvarfið á bresku stúlkunni Madeleine McCann. Auglýst var eftir konu í tengslum við málið í síðustu viku og teikning birt af henni.

Erlent

Nærri milljón flutt frá heimilum sínum vegna fellibylsins Morakot

Yfirvöld á suð-austurströnd Kína hafa flutt nærri milljón íbúa frá heimilum sínum vegna fellibylsins Morakot sem stefnir hraðbyr á landið. Fleiri en þrjátíu og fimm þúsund fiskibátar voru kallaðir heim og hafa héraðstjórnir í tveimur héruðum á svæðinu sent smáskilaboð í fleiri en átta milljón farsíma sem skráðir eru þar til að vara við bylnum.

Erlent

Biskupar í Argentínu skera upp herör gegn fátækt

Biskupar í Argentínu hafa skorið upp herör gegn fátækt í landinu eftir að páfinn sagði snaraukna örbirgð þar í landi hneykslanlega. Argentínskir kirkjunnar menn telja um fjörutíu prósent landsmanna lifa við fátækt sem er langt umfram það sem stjórnvöld halda fram.

Erlent

3000 ára gömul stytta sláandi lík Michael Jackson

Í tuttugu ár hefur náttúrugripasafnið í Chicago haft til sýnis 3000 ára gamla styttu sem er sláandi lík hinum fallna konungi poppsins, Michael Jackson. Undanfarið hafa safngestir farið að veita styttunni meiri eftirtekt.

Erlent

Leiðtogi talib­ana fallinn

Talsmaður talibana í Pakistan staðfesti í gær að leiðtogi þeirra, sem meðal annars er talinn hafa stýrt fjölmörgum sjálfsmorðsárásum, hefði fallið í flugskeytaárás Bandaríkjahers á miðvikudag.

Erlent

Kortleggja París á skrítnu hjóli

Bandaríska tölvufyrir­tækið Google hefur ráðið tvo unga menn til að hjóla um götur Parísar á nýstárlegu þríhjóli. Á hjólinu eru níu myndavélar, GPS-staðsetningartæki, tölva og rafall.

Erlent

Atvinnulausum hefur fækkað

Atvinnuleysi dróst saman í Bandaríkjunum úr 9,5 prósentum í 9,4 prósent í júlí. Þetta er þvert á spár hagfræðinga en síðast dróst atvinnuleysi saman milli mánaða í apríl í fyrra.

Erlent

Sao Paulo orðin reyklaus

11 milljón manna borgin Sao Paulo í Brasilíu er orðinn reyklaus. Bannað er að reykja á veitingastöðum og börum. Hvergi má reykja nema undir berum himni og á einkaheimilum.

Erlent

Mest lesið