Erlent

Edward Kennedy er látinn

Bandaríski Öldungadeildarþingmaðurinn Edward Kennedy er látinn, 77 ára að aldri. Edward háði harða baráttu við krabbameinsæxli í heila sem að lokum dró hann til dauða. Hann var bróðir forsetans fyrrverandi, John F. Kennedy og var kjörinn í öldungadeildina árið 1962 þar sem hann tók við af bróður sínum sem hætti til þess að gerast forseti.

Erlent

Karzai og Abdullah jafnir

Samkvæmt fyrstu bráðabirgðatölum úr forsetakosningunum í Afganistan, sem haldnar voru í síðustu viku, eru líkur á því að halda þurfi aðra umferð kosninganna taldar hafa aukist mjög.

Erlent

Gervihnöttur fór ranga leið

Suður-Kóreubúar sendu á loft fyrstu geimflaug sína í gær. Geimskotið heppnaðist vel, en gervihnöttur sem skotið var á loft með flauginni og átti að fara á braut umhverfis jörðu rataði ekki rétta leið.

Erlent

Skógar sækja á vegna hlýnunar

Hlýnun jarðar hefur orðið þess valdandi að tré skjóta nú rótum á svæðum þar sem áður var of kalt til að þau gætu þrifist. Þetta er niðurstaða fyrstu rannsóknarinnar sem gerð hefur verið á áhrifum loftslagsbreytinga á trjálínur, ystu mörk þeirra svæða þar sem skógar fást þrifist.

Erlent

Nouri al-Maliki einn á báti

Tveir stærstu flokkar sjía-múslima á Íraksþingi hafa myndað með sér bandalag, ásamt litlum flokkum súnní-múslima, en í andstöðu við Nouri al-Maliki, forsætisráðherra, sem sjálfur er sjía-múslimi og hefur til þessa notið stuðnings flokka sjía á þinginu.

Erlent

Brown ræðir við Netanyahu

Gordon Brown forsætisráðherra Breta ætlar að hitta Benjamin Netanyahu forsætisráðherra Ísraela í dag til að ræða friðarferlið í Mið-Austurlöndum.

Erlent

Ísraelar gera loftárás á smyglaragöng

Að minnsta kosti þrír palestínumenn létu lífið í loftárás Ísraela sem gerð var í morgun. Margir eru slasaðir að sögn sjónarvotta en árásin varð gerð á undirgöng sem liggja frá Gaza svæðinu og yfir til Egyptalands. Árásin er gerð í kjölfar þess að eldflaug var skotið á Suður-Ísrael í gær með þeim afleiðingum að einn hermaður slasaðist. Undirgöngin munu hafa verið notuð til að smygla vopnum inn á Gaza.

Erlent

Legið með Marylin til eilífðarnóns

Fyrir 590 milljónir króna getur maður legið fyrir ofan Marylin Monroe til eilífðarnóns. Kynbomban Marylin Monroe er grafin í Westwood kirkjugarðinum í Los Angeles í eins konar grafhýsi þar sem kistum hinna látnu er komið fyrir í skápum hver ofan á annari.

Erlent

Fylgi Verkamannaflokksins í sögulegu lágmarki

Breski íhaldsflokkurinn hefur sextán prósenta forystu á Verkamannaflokk Gordons Brown ef marka má nýja skoðanakönnunn sem birt er í dagblaðinu Guardian í dag. 41 prósent kjósenda segist ætla að kjósa íhaldsmenn í næstu kosningum en aðeins 25 prósent Verkamannaflokkinn.

Erlent

Tóbaksrisi dæmdur til að greiða skaðabætur

Kviðdómur í Bandaríkjunum hefur dæmt tóbaksrisann Philp Morris til þess að greiða dóttur konu sem sem lést úr lungnakrabba af völdum reykinga tæpar 14 milljónir dollara í skaðabætur. Það samsvarar tæpum tveimur milljörðum íslenskra króna.

Erlent

Sérstakur saksóknari skipaður vegna yfirheyrsluaðferða CIA

Bandaríkjamenn hafa skipað sérstakan saksóknara sem ætlað er að rannsaka ásakanir þess efnis að leyniþjónustan CIA hafi níðst á mönnum sem grunaðir voru um hryðjuverk. Skipun saksóknarans, Johns Durham, kemur í kjölfar þess að skýrsla sem varpar ljósi á afar óhefðbundnar yfirheyrsluaðferðir leyniþjónustunnar var gerð opinber.

Erlent

Geimskoti frestað vegna veðurs

Bandaríska geimferðastofnunin frestaði í morgun flugtaki geimferjunnar Discovery vegna slæms veðurs á Canaveral höfða í Flórída. Næsta tækifæri til geimskots er eftir sólarhring. Ferjan á að fara með sjö manna áhöfn í þrettán daga ferð til alþjóðlegu geimstöðvarinnar með vistir og varahluti. Auk hinna mennsku geimfara verða nokkrar mýs með í för, sem nota á til rannsókna á þéttleika beina.

Erlent

Keyrði framan á lögreglubíl

Sjötug kona lét lífið á Norður Sjálandi í Danmörku í nótt þegar hún ók bifreið sinni á fullri ferð framan á lögreglubíl sem var að koma úr gagnstæðri átt.

Erlent

Ellefu létust í gassprengingu

Að minnsta kosti ellefu létust og þriggja er saknað eftir gas sprengingu í kolanámu í Shanxi héraði í kína í morgun. Sextán námamenn voru við vinnu í göngunum þegar sprengingin varð. Tveimur var bjargað að sögn kínverskra miðla en óttast er um afdrif hinna.

Erlent

Réttarhöld hafin í Íran

Réttarhöld hófust í dag í Teheran höfuðborg Írans yfir nokkrum mönnum sem ákærðir eru fyrir að kynda undir óróleika í landinu í kjölfar forsetakosninganna sem fram fóru í júní.

Erlent

MacAskill ver ákvörðun sína

Kenny MacAskill, dómsmálaráðherra Skotlands, varði á skoska þinginu í gær ákvörðun sína um að leysa úr haldi Líbíumanninn Abdel Baset al-Megrahi, dauðvona mann sem hafði afplánað átta ár af lífstíðarfangelsi fyrir aðild sína að Lockerbie-málinu.

Erlent

Vill fréttina fordæmda

Benjamín Netanjahú, forsætisráðherra Ísraels, segir að sænsk stjórnvöld hafi farið yfir strikið með því að neita að fordæma frétt í sænska dagblaðinu Aftonbladet, þar sem sagt var frá grunsemdum Palestínumanna um að ísraelskir hermenn hefðu drepið Palestínumenn til að selja úr þeim líffæri.

Erlent

Baráttan við eldana enn erfið

Örþreyttir slökkviliðsmenn og sjálfboðaliðar unnu baki brotnu í gær, fjórða daginn í röð, við að halda skógareldum við útjaðar Aþenu í skefjum. Aukin aðstoð frá öðrum ríkjum barst í gær, bæði flugvélar sem dreifa vatni og liðsauki í slökkvistarfið.

Erlent

Refsiaðgerðum ekki aflétt

Bandaríkin og Suður-Kórea ætla að halda áfram að framfylgja refsiaðgerðum Sameinuðu þjóðanna gegn Norður-Kóreu, þrátt fyrir sáttaviðleitni sem birst hefur í verkum Norður-Kóreu undanfarið.

Erlent

Bandaríkjamenn æfir út í Skota

Bandaríkjamenn eru æfir eftir að Skotar slepptu Abdel Baset al-Megrahi úr fangelsi en hann var dæmdur fyrir að granda farþegaþotu yfir Lockerbie árið 1988. Alls létust 270 manns þegar flugvélin sprakk. Þá létust einnig íbúar fjölbýlishús sem þotan hrapaði á.

Erlent

Hótuðu að nauðga mömmu hryðjuverkaleiðtoga

Óhugnanlegar yfirheyrsluaðferðir hafa verið afhjúpaðar eftir að skýrsla um yfirheyrslur yfir hryðjuverkamönnum var birt á dögunum. Þar kom fram að starfsmaður bandarísku leyniþjónustunnar hafi hótað að myrða börn Khalid Sheikh Mohammed, en hann hefur verið sakaður um að hafa skipulagt hryðjuverkin þann 11. september árið 2001.

Erlent

Fídel í fínu formi

Fyrrverandi leiðtogi Kúbu, Fídel Castro, birtist landsmönnum óvænt í sjónvarpi í gærkvöldi í fyrsta sinn í rúmt ár.

Erlent

Tugir taldir vera í leynifangelsum

Bandaríski herinn hefur byrjað að gefa Rauða krossinum upp nöfn fanga í leynifangelsum í Írak og Afganistan. Fangarnir eru allir grunaðir um að tengjast hryðjuverkasamtökum en Rauði krossinn hefur þrýst lengi á varnarmálaráðuneyti Banda­ríkjanna um að fá þessar upplýsingar.

Erlent

Segja 100 uppreisnarmenn hafa fallið

Jemenskir hermenn réðust gegn herskáum sjía múslimum í norðanverðu landinu í dag og reyndu að ná bænum Harf Sufyan aftur á sitt vald. Fullyrt er að þeir hafi fellt yfir hundrað bardagamenn, þar á meðal tvo leiðtoga úr röðum þeirra.

Erlent

Mest lesið