Gengi hlutabréfa Century Aluminum rýkur upp

Gengi hlutabréfa í Century Aluminum, móðurfélagi Norðuráls, rauk upp um 29,38 prósent í fyrstu viðskiptum dagsins í Kauphöllinni. Tvenn viðskipti upp á 1,3 milljónir króna standa á bak við viðskiptin.

Rammasamningur færður á nýjar kennitölur Pennans og A4

Ríkiskaup hafa ákveðið að færa einn af rammasamningum sínum við gamla Pennann og A4 yfir á þessi fyrirtæki sem nú starfa undir nýjum kennitölum.

Yfir 42 milljarða viðsnúningur til hins verra hjá ríkissjóði

Samkvæmt greiðsluuppgjöri ríkissjóðs fyrir fyrsta ársfjórðung ársins er handbært fé frá rekstri neikvætt um 4,9 milljarða kr., sem er 42,6 milljörðum lakari útkoma en á sama tímabili í fyrra.

Gistinóttum á hótelum í mars fjölgaði um 2%

Gistinætur á hótelum í mars síðastliðnum voru 84.700 en voru 83.000 í sama mánuði árið 2008. Fjölgunin nemur 2% milli áranna. Gistinóttum fjölgaði á Suðurlandi og á höfuðborgarsvæðinu en í öðrum landshlutum varð fækkun milli ára.

Straumur fær frest til að skila ársreikningi

Vegna stöðu Straums hefur Fjármálaeftirlitið (FME) veitt bankanum frest til að skila ársreikningi fyrir árið 2008 til loka maí mánaðar. Þetta kemur fram í tilkynningu frá bankanum.

Vinnslustöðin tapaði 200 milljónum í fyrra

Tap Vinnslustöðvarinnar í Vestmannaeyjum á síðasta ári var tæplega 1,2 milljónir evra eða um 200 miljónum kr. Til samanburðar var 7 milljón evra hagnaður, eða um 1,2 milljarður kr. á rekstrinum á árinu 2007.

Spáir 8-9 milljarða hagstæðum vöruskiptajöfnuði í apríl

Hagfræðideild Landsbankans spáir því að vöruskiptajöfnuðurinn í apríl verði á svipuðum nótum og í mars eða hagstæður um 8 til 9 milljarða kr.

Gjaldþrot Fons hefur ekki áhrif á rekstur Ticket Travel

Gjaldþrot Fons mun ekki hafa nein áhrif á rekstur sænsku ferðaskrifstofunnar Ticket Travel Group. Þetta kemur fram í tilkynningu frá ferðaskrifstofunni til kauphallarinnar í Stokkhólmi í morgun.

Sexhundruð manns hafa sótt um teygjulán hjá Íslandsbanka

Rúmlega 600 manns hafa nú sótt um svokölluð teygjulán hjá Íslandsbanka, samkvæmt upplýsingum frá bankanum. Teygjulán eru fyrir þá viðskiptavini bankans sem eru með húsnæðislán í erlendri mynt og fela þau það í sér að viðskiptavinurinn greiðir sömu afborgun af erlendu láni og greitt var 2. maí 2008.

Starfsmenn Kaupþings gætu þurft að greiða 18 milljarða í skatt

Ef starfsmenn Kaupþings hafa fengið skuldir vegna hlutabréfaviðskipta í bankanum felldar niður, þurfa þeir að greiða samtals um átján milljarða í skatt. Verið er að skoða önnur fyrirtæki vegna svipaðra mála.

Niðurgreiðsla íslenskra lána í heimabanka Byrs

Niðurgreiðsla lána er nýjung hjá Byr, sem gerir viðskiptavinum kleift að greiða niður íslensk lán í heimabankanum á einfaldan og aðgengilegan hátt. Greiða má niður flest lán sem tekin hafa verið hjá Byr í íslenskum krónum og einnig lán hjá Íbúðalánasjóði.

Ríkisskattstjóri: Tæplega 300 aflandsfélög til skoðunar

Ríkisskattstjóri hefur nú á þriðja hundrað félaga til skoðunar sem stofnuð hafa verið á Bresku Jómfrúareyjunum. Búið er að greina eignartengsl á mörgum þeirra en félögin tengjast í mörgum tilvikum áberandi mönnum í viðskiptalífinu.

Forstjóri Steypustöðvarinnar vísar ásökunum á bug

Hannes Sigurgeirsson, forstjóri Steypustöðvarinnar, vísar ásökunum Víglunds Þorsteinssonar stjórnarformanns BM Vallár sem hann lét falla í fréttum Stöðvar 2 í gær, til föðurhúsanna. Víglundur benti á það í gær að forstöðumaður lánaeftirlits Íslandsbanka sé jafnframt stjórnarformaður Steypustöðvarinnar. Að minnsta kosti tvö dæmi eru fyrir því að sögn Víglunds að viðskipti hafi verið færð frá BM Vallá til Steypustöðvarinnar fyrir tilstilli Íslandsbanka.

Verðhækkanir á fiski

Á fundi Úrskurðarnefndar sjómanna og útvegsmanna var ákveðið að hækka verð á slægðri ýsu, sem ráðstafað er til eigin vinnslu eða seld til skyldra aðila, um 10%. Verð á óslægðri ýsu var hækkað um 17% . Ákveðið var að hækka verð á karfa um 13%. Verð þetta gildir frá og með 1. maí 2009 að því er fram kemur á heimasíðu Landssambands íslenskra útvegsmanna.

Iceland Express færir sig um set til Gatwick

Iceland Express flýgur frá og með 1. maí til Gatwick flugvallar í London í stað Stansted. „Við höfum um skeið verið að velta fyrir okkur að færa okkur yfir til Gatwick, þaðan er styttra í miðborgina og að mörgu leyti þægilegra fyrir okkar farþega," segir Matthías Imsland, forstjóri Iceland Express.

Fons tekið til gjaldþrotaskipta

Fons, félag athafnamannsins Pálma Haraldssonar, var í dag tekið til gjaldþrotaskipta að ósk stjórnar félagsins. Kröfur í búið nema um tuttugu milljörðum en eignir á móti eru nokkrar auk þess sem félagið á fjóra milljarða inni á bankabók samkvæmt heimildum Vísis.

Íslandsbanki segir engar reglur hafa verið brotnar

Íslandsbanki fylgir í öllu tilmælum frá Samkeppnisstofnun um að stuðla að opnu og gagnsæju ferli við meðhöndlun viðskiptavina og til að stuðla að samkeppni á íslenskum markaði eins og kostur er," segir í yfirlýsingu sem bankinn sendi frá sér vegna fréttar Stöðvar 2 og Vísis í kvöld um að bankinn hygli fyrirtækjum í þeirra eigu. Í yfirlýsingunni segir að strangar reglur gildi um beina þátttöku

Ríkisbankarnir hygla fyrirtækjum í þeirra eigin eigu

Dæmi eru um að ríkisbankarnir hafi milligöngu um óeðlilega fyrirgreiðslu til fyrirtækja í þeirra eigin eigu og háttsettir bankastarfsmenn sitji beggja vegna borðs við afgreiðslu mála. Þetta er engan veginn í lagi, segir stjórnarformaður BM Vallár, sem telur samkeppnisstöðu fyrirtækja verulega skekkta.

Vextir Nýja Kaupþings munu lækka um 1-3%

Nýji Kaupþing mun lækka inn- og útlánsvexti frá og með 1. maí. Óverðtryggðir vextir lækka á bilinu 2-3% og verðtryggðir vextir lækka um 1%. Í fréttatilkynningu frá bankanum kemur frma að þetta sé gert í ljósi þess að Seðlabankinn hafi hafið vaxtalækkunarferli.

Standa fyrir ókeypis námskeiði í stofnun fyrirtækja

Nokkrir háskólanemendur hafa tekið sig saman til að berjast gegn samdrættinum og atvinnuleysinu sem Íslendingar horfast nú í augu við. Þeir hafa ákveðið að fara af stað með frítt námskeið í stofnun fyrirtækja. Í tilkynningu segir að um sé að ræða þriggja mánaða námskeið þar sem þáttakendur fara í gegnum allt ferlið við það að stofna fyrirtæki, „allt frá því að hugmynd kviknar og þangað til að hugmyndin er orðin að rekstri sem skilar reglulegum tekjum. Kennt verður tvö kvöld í viku og byrjar kennslan 18. maí næstkomandi.

Enn lækkar afurðaverð

Verð á íslenskum sjávarafurðum lækkaði um 1,5 prósent í mars mælt í erlendri mynt og var þetta níundi mánuðurinn í röð sem verðið lækkar. Það er nú jafn hátt og í mars 2006, samkvæmt nýrri greiningu IFS.

Flutti til Rússlands rétt fyrir kyrrsetningu

Auðmaðurinnn Magnús Þorsteinsson færði lögheimili sitt út til Rússlands stuttu áður en gjaldþrotamál Straums Burðarás gegn honum var tekin fyrir í Héraðsdómi norðurlands eystra. Það var lögfræðingur sóknaraðila, Gísli Guðni Hall sem benti á þetta í aðalmeðferð málsins sem fór fram í morgun.

Spá verðhjöðnun næsta árið

Stjórnendur stærstu fyrirtækja landsins telja að það verði verðhjöðnun hér á landi litið til næstu tólf mánaða. Spá þeir því að verðbólgan eftir tólf mánuði verði -2,0%. Flestir þessara stjórnenda, eða 73% þeirra, telur að gengi krónunnar muni styrkjast á þessu tímabili og er verðbólguspá þeirra vel skiljanleg í því ljósi enda mikill samdráttur í innlendu efnahagslífi og innflutt verðbólga hverfandi lítil sökum þess erfiða árferðis sem er í heimsbúskapnum.

Ríkisbankar sakaðir um óeðlilega fyrirgreiðslu

Vísbendingar eru um að ríkisbankarnir veiti fyrirtækjum, sem eru í þeirra eigu, óeðlilega fyrirgreiðslu umfram það sem önnur fyrirtæki fá. Samtök iðnaðarins krefjast jafnræðis og vilja að bankarnir eyði tortryggni á samkeppnismarkaði.

Mentor hlaut Vaxtarsprotann annnað árið í röð

Fyrirtækið Mentor ehf. hlaut í morgun „Vaxtarsprotann 2009" sem er viðurkenning fyrir öfluga uppbyggingu sprotafyrirtækis. Þetta er annað árið í röð sem fyrirtækið vex hraðast íslenskra sprotafyrirtækja.

Vísitala framleiðsluverðs lækkaði um 1,6% í mars

Vísitala framleiðsluverðs í mars 2009 var 153,1 stig og lækkaði um 1,6% frá febrúar 2009.

FT spyr hvort ESB-aðild sé of dýrkeypt fyrir Ísland

„Tilhugsunin um aðild að Evrópusambandinu er notaleg trygging þegar illa árar. Þegar eyjarskeggjar standa frammi fyrir skilmálum aðildar og gjaldinu sem greiða þarf fyrir gæti svo farið að þeir hrökkluðust til baka." Þannig lýkur grein í vefútgáfu Financial Times (FT) í gær. Þar er fjallað um stöðu Íslands gagnvart ESB eftir nýafstaðnar alþingiskosningar.

Bréf Marel Food Systems hækka mest í byrjun dags

Gengi hlutabréfa í Marel Food Systems hefur hækkað um 1,59 prósent í fyrstu viðskiptum dagsins í Kauphöllinni. Á sama tíma hefur gengi bréfa Össurar lækkað um 0,64 prósent.

Pfizer í málaferlum gegn Actavis og 7 öðrum framleiðendum

Bandaríski lyfjarisinn Pfizer hefur höfðað mál gegn Actavis og sjö öðrum lyfjaframleiðendum samheitalyfja vegna lyfsins Lyrica. Telur Pfizer að þessir framleiðendur hafi brotið gegn einkarétti sínum á lyfinu.

RUV tapar 60 milljónum á mánuði

Tap RUV ohf. nam rúmlega 365 milljónum kr. á tímabilinu frá 1. september í fyrra og fram til loka febrúar í ár samkvæmt árshlutareikningi félagsins. Þetta samsvarar því að RUV hafi tapað rúmum 60 milljónum kr. á hverjum mánuði tímabilsins.

Vöruskipti hagstæð um 8,3 milljarða

Íslendingar fluttu út vörur fyrir fyrir 34,7 milljarða í marsmánuði og inn fyrir 26,5 milljarða króna. Vöruskiptin í mars voru því hagstæð um 8,3 milljarða króna að því er fram kemur á heimasíðu Hagstofunnar. Fyrir ári síðan vou vöruskiptin því óhagstæð um 3,1 milljarð króna á sama gengi.

Slitastjórn komin yfir gamla LÍ

Héraðsdómur Reykjavíkur hefur að ósk skilanefndar gamla Landsbankans og skipað slitastjórn yfir hana í samræmi við breytingar á lögum um slitameðferð fjármálafyrirtækja, sem samþykkt voru á Alþingi á síðustu dögum þingsins fyrir hálfum mánuði.

Verðbólga ekki lægri í ár

Verðbólga mælist nú 11,9 prósent og hefur hún ekki verið lægri síðan í apríl í fyrra. Verðbólgan gæti náð verðbólgumarkmiðum Seðlabankans um áramót, að mati sérfræðings IFS Greiningar.

Hlutabréf Marel Food Systems hækkuðu mest í dag

Gengi hlutabréfa í Marel Food Systems hefur hækkað um 5,12 prósent í dag og er það mesta hækkun dagsins. Þá hækkaði gengi bréfa Össurar um 4,11 prósent og Century Aluminum um 1,07 prósent.

Straumur semur um innistæður í Danmörku

Straumur og bankatryggingasjóður Danmerkur (Finansiel Stabilitet) hafa samið um að allar innistæður hjá Straumi verði borgaðar að fullu. Þetta upplýsir sjóðurinn í tilkynningu í dag.

Hagnaður VÍS var 242 milljónir króna árið 2008

VÍS skilaði 242 milljón króna hagnaði eftir skatta á árinu 2008. Eiginfjárhlutfall VÍS í árslok 2008 var 30% og gjaldþol var 4,4 sinnum hærra en lágmarksgjaldþol. Handbært fé í árslok var tæplega 9 milljarðar króna.

Fjögur félög fresta birtingu á ársreikningum sínum

Fjögur félög hafa sent inn tilkynningu til kauphallarinnar um að þau hafi ákveðið að fresta birtingu á ársreikningum sínum. Þetta eru Kögun, Teymi, 365 hf. og Landsafl ehf.

Fyrirtækin óttast meiri samdrátt landsframleiðslu en spáð er

Reynist spá 500 fyrirtækja á landinu um samdrátt í veltu þeirra nærri lagi, er ástæða til að óttast að samdráttur í landsframleiðslu á þessu ári verði ennþá meiri en opinberar spár gera ráð fyrir.

Nær allir stjórnendur telja aðstæður efnhagslífsins slæmar

Stjórnendur hjá um 95% stærstu fyrirtækja landsins telja núverandi aðstæður í efnahagslífinu vera slæmar (37%) eða mjög slæmar (58%), um 5% telja þær hvorki góðar né slæmar, en ekkert þeirra fyrirtækja sem svöruðu könnuninni telja aðstæður hins vegar vera góðar.

Marel kynnir nýjan skammtaskera í Brussel

Marel kynnti í dag nýjan skammtaskera á sjávarútvegssýningunni í Brussel sem nú stendur yfir.

Fasteignaverð á Vestfjörðum 70% lægra en í höfuðborginni

Fasteignaverð mælt sem meðal staðgreiðsluverð á fermetra er að meðaltali 70% lægra á Vestfjörðum heldur en á höfuðborgarsvæðinu samkvæmt gögnum sem Fasteignakrá Íslands hefur birt um íbúðarverð á síðasta ári.

Græn byrjun í kauphöllinni

Markaðurinn í kauphöllinni byrjar á grænum nótum í dag og hefur úrvalsvísitalan hækkað um 0,3% í fyrstu viðskiptum dagsins.

N1 tapaði rúmlega 1,1 milljarði í fyrra

Tap N1 hf. árið 2008 er kr. 1.111 milljónir kr. eftir skatta á móti 860,9 milljóna kr. hagnaði árið 2007.

Segir samningsstöðu Íslands gagnvart ESB vera erfiða

Bronwen Maddox helsti dálkahöfundur The Times um erlend málefni segir að samningsstaða Íslands gagnvart Evrópusambandinu muni verða erfið. Ísland sé í augljósri þörf fyrir að skipta út krónunni fyrir annan gjaldmiðil sem sé grunnurinn að því að byggja upp stöðugleika að nýju.

Sirius IT hagnaðist um 612 milljónir á síðasta ári

Rekstrarhagnaður norræna upplýsingatæknifyrirtækisins Sirius IT, dótturfélags Skipta, fyrir afskriftir og vexti í fyrra nam 1.360 milljónum króna og jókst um 56% frá árinu á undan. Hagnaður fyrir skatta nam 862 milljónum króna, en að teknu tilliti til skatta nam hagnaður ársins 612 milljónum króna.