Alíslenskur brúðuþáttur á Stöð 2

Það er ekki á hverjum degi sem íslenskir brúðugrínþættir hefja göngu sína. Í raun hefur það aldrei gerst áður. Búbbarnir eru því ekkert minna en bylting í íslensku sjónvarpi. Og Búbbastöðin - sem er sögusvið þáttanna - mun þar að auki valda byltingu á íslenskum fjölmiðlamarkaði.

Reykholtskirkja hin eldri

Í Reykholti í Borgarfirði eru tvær kirkjur. Bak við þá nýju þar sem guðsþjónustur eru núna leynist önnur eldri og minni kirkja sem byggð var árið 1886. Sunnudaginn 27. ágúst nk. opnar Þjóðminjasafn Íslands þessa fallegu gömlu timburkirkju fyrir almenning og gefst tækifæri til að skoða hana að innan sem utan.

Börn þekktustu leikstjóra landsins saman í bíómynd

"Það varð nú óvart þannig að öll þessi leikstjórabörn verða í myndinni. Þegar ég var að leita að leikurum í vetur fór ég á menntaskólasýningarnar og þá voru þessir krakkar þau sem stóðu upp úr," segir kvikmyndaleikstjórinn Guðný Halldórsdóttir. Tökur á nýrri mynd hennar, Veðramótum, hefjast í vikunni og svo skemmtilega vill til að hún hefur safnað saman í leikhópinn börnum flestra þekktustu kvikmyndaleikstjóra landsins.

PSP verður bleik

Sony Computer Entertainment í Evrópu (SCEE) hefur tilkynnt um nýja tölvu í PSP fjölskyldunni eða bleika PSP. Útgáfa tölvunnar er gerð í samvinnu við metsölu listamanninn P!nk.

Todmobile á Nasa um helgina

Í tilefni af 20 ára afmæli Bylgjunnar mun stórhljómsveitin Todmobile spila á skemmtistaðnum Nasa við Austurvöll næstkomandi laugardagskvöld. Forsala miða hefst á Nasa á föstudaginn klukkan 13:00, miðaverð í forsölu er eins og sönnu Bylgjuballi sæmir aðeins 989 kr.

Útimarkaður í Álafosskvos

Varmársamtökin standa fyrir útimarkaði í Álafosskvos í tengslum við hátíðina Í túninu heima laugardaginn 26. ágúst kl. 11-17. Á boðstólum verður allt milli himins og jarðar svo sem ferskt grænmeti frá Dalsgarði, Reykjum og Sólheimum; heimalöguð sulta, chutney og kryddolíur.

Síðustu stofutónleikarnir

Sunnudaginn 27. ágúst er komið að síðustu tónleikunum í stofunni á Gljúfrasteini í sumar. Það er enginn annar en Jónas Ingimundarson, píanóleikari sem lýkur þessari stofutónleikaröð með því að leika á flygilinn. Á efnisskránni verða verk eftir Mozart og Schumann.

Chaplin í meðferð

Tom Chaplin, söngvari hljómsveitarinnar Keane, hefur leitað sér hjálpar vegna áfengis- og fíkniefnanotkunar sinnar.

Kvennakór Öldutúns hefur sitt annað starfsár

Kórinn býður nýja meðlimi velkomna og vill bæta við sig fólki. Hvetur stjórnandinn alla sem áhuga hafa úr, röðum starfsfólks eða foreldra, að hafa samband. Þetta er góð leið til að læra söngtækni, og að þjálfa hlátursvöðvana, því það er mikið hlegið á æfingum.

Collins í lið með Canora

Bandaríkjamaðurinn Dave Collins, sem hefur unnið með þekktum rokksveitum á borð við Soundgarden, Queens of the Stone Age, Black Sabbath og Mötley Crüe, lagði nýverið lokahönd á fyrstu plötu íslensku sveitarinnar Canora.

Fólk má flissa upp úr ljóðabókinni

Skáldið og grínistinn Þorsteinn Guðmundsson hefur gefið út nýja ljóðabók sem gæti allt eins kallast brandarabók eða nótnabók uppistandara.

Frá Kenzo til Kaupmannahafnar

Jóhanna Jóhannesdóttir hefur búið í Kaupmannahöfn í ein sjö ár og hefur verið iðin við kolann síðan hún hélt út. Í apríl opnaði hún ásamt sjö öðrum stelpum fataverslun og verkstæði sem ber nafnið Mogetoj og er staðsett rétt hjá Nörreport-járnbrautarstöðinni.

Frumkvöðull til Íslands

Dansleikhúsdrottningin Pina Bausch er væntanleg hingað til lands um miðjan næsta mánuð ásamt 50 manna danshópi sínum, Pina Bausch Tanztheater Wuppertal.

Götukarfa á Miklatúni

Götukörfuboltamótið 305 verður haldið á Miklatúni um næstu helgi. Leikarinn Ívar Örn Sverrisson og tónlistarmaðurinn Sverrir Bergmann, sem standa fyrir mótinu, búast við góðri þátttöku.

Ísþrykk í Turpentine

Breski myndlistarmaðurinn Alistair Macintyre sýnir í galleríi Turpentine í Ingólfsstræti en sýningin "Vanishing point" var opnuð á Menningarnótt. Í fréttatilkynningu um sýninguna er þess getið að verk hans vísi sterklega til landakorta þar sem landfræðileg tákn verði að persónulegri túlkun listamannsins á árþúsunda tilvist mannsins á jörðinni.

Baggalútur í Hveragerði

Köntrísveit Baggalúts heldur tónleika á Hótel Örk í Hveragerði á föstudag í tilefni Blómstrandi daga. Á efnisskrá verða valin tónverk af plötunni Pabbi þarf að vinna auk verka af glænýrri plötu sveitarinnar, sem ber heitið Aparnir í Eden.

Giuliani til landsins

Rudolph Giuliani, fyrrverandi borgarstjóri New York, er væntanlegur til landsins á vegum Símans vegna hundrað ára afmælis fyrirtækisins sem verður 29. september. Giuliani mun flytja fyrirlestur á ráðstefnu sem Síminn stendur fyrir á afmælisdaginn og nefnist Leiðtogar til framtíðar.

Leoncie með aðstoðarkonu á Englandi

Popp-prinsessan Leoncie býr á Englandi um þessar mundir þar sem hún reynir að koma tónlist sinni á framfæri. Leoncie reyndi fyrir skömmu að komast að í raunveruleikaþáttunum X - Factor þar sem þau Sharon Osbourne, Paul Welsh og Simon Cowell ráða ríkjum en sérstakur gestadómari í þessum þætti var hin geðþekka Paula Abdul sem hefur verið aðaldómari í American Idol þáttunum.

Með 150 manns í starfi

Hlynur Sigurðsson hefur verið ráðinn framkvæmdastjóri Fríhafnarinnar ehf. og tekur við starfinu þann fyrsta september næstkomandi. Hlynur lauk meistaraprófi í rekstrarverkfræði frá Háskólanum í Álaborg árið 2002 og segir hann að námið þar hafi nýst sér mjög vel hér á landi. Hann hóf störf sem innkaupastjóri Fríhafnarinnar árið 2003 þar sem hann hefur verið allar götur síðan.

Móðir og dóttir sýna saman í Gerðarsafni

Sýning á verkum mæðgn­anna Valgerðar Briem og Valgerðar Bergsdóttur opnaði í Gerðarsafni um helgina. Valgerður eldri var einn af áhrifamestu myndlistarkennurum hérlendis á síðustu öld en mörg verka hennar hafa aldrei komið fyrir almenningssjónir.

Rífast aldrei

Ashton Kutcher og Demi Moore fagna eins árs brúðkaupsafmæli sínu í næsta mánuði og heldur hinn 28 ára gamli Kutcher því fram að þau hjónin rífist aldrei.

Sjónvarpskokkur kaupir Habitat

Jón Arnór Guðbrandsson hefur keypt húsgagnaverslunina Habitat ásamt eiginkonu sinni Ingibjörgu Þorvaldsdóttur og taka þau því við af Árna Ólafi Ásgeirssyni og Sólveigu Hannam sem rekið hafa búðina í rúm sjö ár. Kaupin gengu í gegn á laugardaginn og þegar Fréttablaðið hafði samband við Habitat var það fyrsta símtal Jóns í nýrri verslun.

Stöðvaði aðdáendur

Leikkonan góðkunna Cameron Diaz þurfti að verja kærasta sinn, söngvarann Justin Timberlake, á dögunum fyrir æstum kvenkyns aðdáendum.

Sungið og selt í góðgerðaskyni

Unga kynslóðin lætur ekki sitt eftir liggja í góðgerðamálum. Blaðamaður Fréttablaðsins rakst á fríðan hóp sem safnað hafði tæpum þrjátíu þúsund krónum fyrir krabbameinssjúk börn. Þrátt fyrir ungan aldur hefur lífið kennt þeim dýrmæta lexíu sem hvetur krakkana til góðra verka.

Verkar og hnykkir skrokka

Útlendingar sem hér búa og starfa eru síður en svo einsleitur hópur fólks sem komið er sunnan frá til að flýja bágt ástand í sínu heimalandi. Helan Swartling Leiludóttir, sundlaugarvörður á Blönduósi, er reyndar komin frá norðlægari slóðum en flestir Íslendingar og bakgrunnur hennar er nokkuð sérstæður.

Sofandi hafmeyjar

Á Menningarnótt opnuðu Anja Stella Ólafsdóttir og Sirrý Hjaltested samsýningu á Hverfisgötu 34. Þetta er fyrsta sýning þeirra beggja en þær stöllur kynntust á leikskóla en eru nú báðar í listnámi.

Fyrsta lagið frá Lay Low

Nú er komið út fyrsta lagið hjá listakonunni Lay Low. Lagið er titillag hennar fyrstu plötu og ber hið skemmtilega nafn, “Please don’t hate me”. Upptökur á plötunni sjálfri eru langt á veg komnar og er áætlaður útgáfudagur þann 20. september næstkomandi.

Selur bestu pylsur í Evrópu

"Vá, þú ert að segja mér fréttir. Ég er orðlaus," segir Guðrún Kristmundsdóttir þegar Fréttablaðið tilkynnti henni að pylsubarinn hennar Bæjarins bestu hefði verið valinn einn af fimm bestu matsöluturnum í Evrópu af breska dagblaðinu The Guardian. Í fyrsta sæti var skoskur hafragrauta­standur sem ferðast um markaði og útihátíðir í Skotlandi og selur hafragraut með allskyns meðlæti.

Sellóið í Sigurjónssafni

Margrét Árnadóttir sellóleikari leikur á Sumartónleikaröð Listasafns Sigurjóns í kvöld og flytur tvær svítur eftir Bach. Margrét lauk mastersprófi í sellóleik frá Juilliard tónlistarskólanum fyrr í vor og dvelst hér heima í stuttri sumarheimsókn. "Ég held mikið upp á Bach svíturnar, þær eru sex og ég er yfirleitt með eina þeirra í gangi. Ég leik tvær á tónleikunum – svítu númer tvö í d-moll og númer sex í d-dúr, þær eru gjörólíkar en báðar mjög fallegar," útskýrir Margrét. Hún verður ein á sviðinu í kvöld, "og sellóið fær að njóta sín".

Salsakvöld á Kúbudögum

Kúbudagar standa nú yfir á Barnum, Laugavegi 22. Annað kvöld verður haldin salsakennsla þar sem Heiðar Ástvaldsson, ásamt félögum í dansskóla hans, kemur og stígur nokkur spor. Hefjast herlegheitin klukkan 21 og eru allir velkomnir á meðan húsrúm leyfir.

Tónlist Bjarkar kveikti Íslandsáhugann

"Ég er yfir mig hrifinn af Íslandi og hef komið tvisvar til landsins. Ég fékk hugmyndina að sögunni þegar ég var síðast í Reykjavík og hélt áfram að þróa hana þegar ég kom aftur heim til Bandaríkjanna," segir Steve Murphy, höfundur myndasögunnar Umbra sem gerist á Íslandi. Sagan fjallar um ástkonurnar Freyju og Öskju sem komast í kast við harðsvíraða glæpamenn þegar þær rannsaka grunsamlegan líkfund úti á landi.

Rannsókn á fjölkynngi til forna

Íslensk fræði Ítarlegasta rannsókn sem unnin hefur verið á rituðum heimildum um galdra í íslenskum fornbókmenntum er nú komin út á vegum Konunglegu Gústaf-Adolfs-akademíunnar fyrir sænska alþýðumenningu (Kungl. Gustav Adolfs Akademien för svensk folkkultur).

Sungið fyrir mótatimbri

Helsta markmið sjálfboðaliðasamtakanna Bergmáls er að hlúa að krabbameinssjúkum og öðru langveiku fólki en samtökin hafa um áraraðir boðið fólki til orlofsdvalar að Sólheimum í Grímsnesi. Á morgun verða haldnir styrktartónleikar í Hafnarborg þar sem safnað verður fyrir málefnið og byggingu nýs orlofshúss.

Morðgáta á uppdiktuðu Íslandi

Skáldsagan Icelander eftir bandaríska rithöfundinn Dustin Long vekur kátínu og hrifningu hjá gagnrýnendum sínum og lesendum en þessi margraddaða saga gerist í samnefndu en skálduðu landi.

Simpsons besti þátturinn á Emmy

Þáttur Simpsons-fjölskyldunnar, The Seemingly Neverending Story, hlaut Emmy-verðlaunin sem besti teiknaði sjónvarpsþátturinn í bandarísku sjónvarpi. Báru hinir gulu fjölskyldumeðlimir sigurorð af háðsdeilu South Park um Vísindakirkjuna og Tom Cruise en trúarsöfnuðurinn hótaði framleiðendum þáttanna lögsókn og meiðyrðamálum.

Margir eldklárir keppa í hrútaþukli

Færustu hrútaþuklarar landsins leggja nú lokahönd á undirbúning fyrir árlegt meistaramót í hrútaþukli sem haldið verður á Ströndum um helgina. Fer mótið fram í Sauðfjársetrinu í Sævangi, skammt sunnan við Hólmavík, og má eiga von á að hundruð manna leggi leið sína á mótið.

Magni syngur Nirvana

Magni "okkar" Ásgeirsson syngur lagið Smells Like a Teen Spirit eftir grunge-kónganna í Nirvana í Rock Star: Supernova þættinum sem sýndur verður í beinni útsendingu á Skjá einum í kvöld en Magni verður annar á sviðið.

Lögin fara í óvæntar áttir

Hljómsveit Þóru Bjarkar treður upp á Kaffi Rósenberg annað kvöld og setur þannig tóninn fyrir Þóru Björk Þórðardóttur sem kastar um þessar mundir sjoppuhamnum og sest á skólabekk, enn á ný.

Miðasala að hefjast

Miðasala á stórtónleika Björgvins Halldórssonar og Sinfóníuhljómsveitar Íslands hefst næsta föstudag, 25. ágúst, kl. 10:00 á öllum sölustöðum. Miðasalan er í höndum Miða.is og er fram á www.midi.is, www.bravo.is, í verslunum Skífunnar og verslunum BT á Akureyri, Egilsstöðum og Selfossi. Einnig er hægt að kaupa miða í síma 580-8020.

Stjörnufans á IFF

Stórleikararnir Matt Dillon og Marisa Tomei eru væntanleg hingað til lands í næstu viku á vegum IFF - kvikmyndahátíðarinnar sem hefst 30. ágúst.

Madonna ekki lögsótt

Poppdrottningin Madonna verður ekki kærð fyrir guðlast eins og búist hafði verið við eftir tónleika hennar í Düsseldorf en þetta kemur fram á fréttavef AP-fréttastofunnar.

Kom óvænt fram

Poppprinsessan Britney Spears kom aðdáendum sínum og áhorfendum á verðlaunahátíðinni "Teen Choice awards" á óvart þegar hún steig á svið til að kynna atriði eiginmanns síns, Kevins Federline. Stúlkan er komin átta mánuði á leið en leit þrátt fyrir það vel út á sviðinu.

Hótar að kæra

Leikarinn Owen Wilson hótar að kæra alla þá sem saka hann um að vera valdur að skilnaði leikkonunnar Kate Hudson. Aðeins nokkrum dögum eftir að Hudson sagði frá skilnaði sínum og eiginmanns síns til sex ára, Chris Robinson, fóru af stað sögusagnir um meint ástarsamband hennar og Wilsons. Talsmenn leikaranna vilja ekki staðfesta orðróminn en fullvissa að Wilson hafi ekki átt neinn þátt í skilnaðinum. Wilson er búinn að ráða lögfræðing sem sér um að kæra alla þá sem halda öðru fram.

Blómlegt í Hveragerði

Næstkomandi fimmtudag hefjast Blómstrandi dagar í Hveragerði en í þeim blómlega bæ verður lífleg dagskrá alla helgina. Á fimmtudagskvöld heldur Hulda Jónsdóttir fiðluleikari tónleika í Hveragerðiskirkju ásamt Kristni Erni Kristinssyni en í Leikfélagshúsinu leikur hljómsveitin Andrúm og Jazzband Suðurlands hjá Café Kidda Rót.

Baltasar náði ekki að skora

Baltasar Kormákur náði ekki að skora mark fyrir Neista á Hofsósi í sumar, eins og hann ætlaði sér, en síðasta umferð 3. deildar karla í knattspyrnu var leikin um helgina. Baltasar hefur þrjú síðustu ár leikið með liði Neista og þegar Fréttablaðið ræddi við hann fyrr í sumar var hann staðráðinn í því að skora mark. Það tókst hins vegar ekki.