Pólverjar unnu Dani - Danir stigalausir inn í milliriðilinn

Pólverjar unnu eins marka sigur á Dönum, 27-26, í lokaleik þjóðanna í A-riðli á EM í handbolta í Serbíu í dag en það má segja að þarna hafi verið á ferðinni fyrsti leikur liðanna í milliriðli. Bæði lið voru komin áfram og stigin úr leiknum fylgja þeim því inn í milliriðilinn. Danir fóru illa að ráði sínu í þessum leik því þeir náðu mest fimm marka forskoti í seinni hálfleiknum og á lokakafla leiksins klúðruðu þeir góðri stöðu.

Þjóðverjar komnir áfram eftir öruggan sigur á Svíum

Þjóðverjar tryggðu sér sæti í milliriðli á EM í handbolta í Serbíu eftir öruggan fimm marka sigur á Svíum í dag, 29-24, en sænska landsliðið var þegar búið að tryggja sig áfram. Þjóðverjar fara hinsvegar með stigin úr þessum leik inn í milliriðilinn.

Pascal Hens ósáttur við bekkjarsetu

Pascal Hens, ein stærsta stjarna þýska handboltaheimsins undanfarin ár, sat allan leikinn á bekknum þegar að félagar hans í þýska landsliðinu unnu sigur á Makedóníu á þriðjudagskvöldið.

Dönsku dómararnir búnir að horfa aftur á leikinn | Var ekki víti

Per Olesen, annar dönsku dómaranna í leik Íslands og Noregs í gær, er nú þess fullviss að það hafi verið rétt ákvörðun að dæma ekki víti á Vigni Svavarsson á lokamínútu leiksins.

Strákarnir æfa fyrir Slóveníuleikinn | Gamlir unnu unga í fótboltanum

Strákarnir okkar eru þessa stundina á æfingu í Millenium-höllinni en þeir hafa verið á myndbandsfundum í dag. Strákarnir voru augljóslega fegnir að komast aðeins af hótelinu og fá aðeins að hrista úr sér Noregsleikinn frá því í gær.

Aðstoðarþjálfarinn í bann og Norðmenn sektaðir

Zeljko Tomac, aðstoðarþjálfari norska landsliðsins í handbolta, hefur verið dæmdur í eins leiks bann fyrir framgöngu sína eftir leikinn gegn Íslandi í gær.

Frakkar sektaðir um þúsund evrur

EHF, Handknattleikssamband Evrópu, hefur sektað franska sambandið um þúsund evrur vegna þess að þjálfari Frakka, Claude Onesta, mætti ekki á blaðamannafund eftir leik sinna manna gegn Rússum í gær.

Adolf Ingi fór í kappát við Didier Dinart

Franska varnartröllið Didier Dinart hélt upp á 35 ára afmæli sitt í gær og fékk af því tilefni stærðarinnar afmælisköku á hóteli franska landsliðsins í Serbíu.

Norskur dómari: Skil dönsku dómarana mjög vel

Kjersti Arntsen, norskur handboltadómari sem hefur dæmt á stórmótum í handbolta, segir að dönsku dómararnir í leik Íslands og Noregs í gær hafi haft talsvert til síns mál þegar þeir dæmdu ekki víti á Vigni Svavarsson á lokamínútu leiksins í gær.

Robert Hedin: Þetta verður ekki mikið verra

Hinn sænski Robert Hedin, þjálfari norska landsliðsins, var vitanlega grútsvekktur eftir leikinn við Ísland í gær en strákarnir okkar höfðu nauman sigur, 34-32.

Dönsku dómararnir vissir | Þetta var aldrei víti

Dönsku dómararnir Lars Ejby Pedersen og Per Olesen voru í viðtali við norska fjölmiðla eftir leikinn gegn Íslandi í gær og stóðu fast á sinni meiningu - þetta var ekki víti.

Sérfræðingur á TV2 blótaði dönsku dómurunum | Til fjandans með ykkur!

Leikmenn og þjálfari norska landsliðsins voru algjörlega trítilóðir út í dönsku dómarana eftir tapið gegn Íslandi í gær.

Anton og Hlynur dæma mikilvægan leik í A-riðli

Danskir dómarar dæmdu leik Íslands í gær og í kvöld munu íslensku dómararnir Anton Gylfi Pálsson og Hlynur Leifsson dæma leik Danmerkur og Póllands á EM í Serbíu.

Arnór: Við tókum bara Króatana á þetta

Guðmundur Guðmundsson, landsliðsþjálfari, og Arnór Atlason voru ánægðir með sigurinn á Norðmönnum í gærkvöldi enda leit þetta ekki alltof vel út þegar Norðmenn voru komnir fjórum mörkum yfir í seinni hálfleik.

Tíu frábærar mínútur dugðu til

Strákarnir okkar voru slakir gegn Norðmönnum í gær en tókst á einhvern ótrúlegan hátt að kreista út tveggja marka sigur. Ísland er því enn á lífi og á góðan möguleika á að komast með stig í milliriðil.

Strákarnir unnu síðustu tíu mínúturnar 7-2 - myndir

Íslenska handboltalandsliðið tryggði sér sinn fyrsta sigur á EM í handbolta í Serbíu með því að vinna Norðmenn 34-32 í kvöld en Norðmenn voru 27-30 yfir þegar aðeins tíu mínútur voru eftir. Íslenska liðið vann lokakafla leiksins 7-2 og fögnuðu strákarnir gríðarlega í leikslok.

Róbert: Ætlaði að standa mig í dag

Línumaðurinn Róbert Gunnarsson átti algjörlega stórbrotinn leik á línunni hjá íslenska liðinu í kvöld. Hann skoraði úr öllum níu skotum sínum í leiknum og fiskaði þess utan tvö vítaskot.

Vignir: Maður hálfvorkennir Norðmönnunum

Vignir Svavarsson hefur komið sterkur inn í íslenska liðið á EM og hann skoraði ótrúlega dýrmætt mark úr hraðaupphlaupi undir lokin sem fór langleiðina með að tryggja íslenska liðinu sigur í leiknum gegn Noregi í kvöld.

Mamelund: Við áttum að fá víti í lokin

Norðmaðurinn Erlend Mamelund átti magnaðan leik fyrir Norðmenn í dag en því miður fyrir hann þá dugði það ekki til sigurs fyrir Norðmenn að þessu sinni.

Guðjón: Það var væntanlega lítil vatnsnotkun á Íslandi í lok leiksins

Fyrirliðinn Guðjón Valur Sigurðsson var kampakátur eftir sigurinn á Noregi í kvöld sem var í meira lagi dramatískur.

Alexander: Við neituðum að gefast upp

"Ég veit ekki alveg hvernig við fórum að þessu. Við bara neituðum að gefast upp og gáfum allt sem við áttum í þennan leik til enda," sagði baráttujaxlinn Alexander Petersson eftir sigurinn ótrúlega gegn Norðmönnum.

Aron: Ég hélt í mér andanum alla lokamínútuna

Aron Pálmarsson brosti allan hringinn eftir sigurinn lygilega gegn Norðmönnum í kvöld. Aron skoraði fimm mörk í leiknum og gaf nokkrar glæsilegar línusendingar.

Björgvin: Baráttan og íslenska hjartað vann þennan leik

Markvörðurinn Björgvin Páll Gústavsson átti ekki sinn besta leik í kvöld en hann steig heldur betur upp þegar mest á reyndi. Varði tvö síðustu skot Norðmanna og Ísland fylgdi þeirri markvörslu eftir með mörkunum sem skildi á milli.

Leik lokið: Ísland - Noregur 34-32 | Stórbrotinn sigur eftir ótrúlega lokamínútu

Strákarnir okkar sýndu hvað í þeim býr eftir hreint magnaðan sigur á Noregi á EM í handbolta í kvöld. Lokamínúta leiksins á lengi eftir að lifa í minnum Íslendinga.

Spánverjar náðu bara jafntefli á móti Ungverjum

Spánverjar náðu ekki að fylgja eftir frábærum sigri á Frökkum í fyrsta leik sínum því liðið gerði bara jafntefli á móti Ungverjalandi, 24-24, í kvöld í seinni leik dagsins í C-riðli Evrópukeppninnar í Serbíu. Ungverjar skoruðu tvö síðustu mörkin og tryggðu sér jafntefli.

Frakkar búnir að vinna sinn fyrsta leik á EM - unnu Rússa með 4 mörkum

Heims-, Ólympíu- og Evrópumeistarar Frakka fögnuðu sínum fyrsta sigri á EM í handbolta í Serbíu þegar liðið vann fjögurra marka sigur á Rússum í dag, 28-24, en franska liðið hafði tapað á móti Spánverjum í fyrsta leiknum sínum.

Balic sá um að koma Króatíu í milliriðil

Króatar eru ósigraðir á toppi D-riðils eftir sigur á Slóveníu, 31-29, í Vrsac i kvöld. Slóvenar stríddu Króötum hraustlega í þessum leik en rétt eins og í gær steig króatíska liðið upp þegar mest lá við. Ótrúlega öflugir á ögurstundu. Króatar eru komnir áfram í milliriðilinn með þessum sigri.

Fréttaskýring: Baráttan um auðvelda riðilinn í undankeppni ÓL 2012

Ísland á möguleika á að komast í "auðveldasta" riðilinn í undankeppni Ólympíuleikanna í Lundúnum í ár en verður til þess að treysta á árangur annarra liða.

Mikilvæg stig undir gegn Noregi í kvöld

Það er ljóst að leikurinn gegn Noregi á EM í handbolta í kvöld hefur mikla þýðingu fyrir framhaldið hjá strákunum okkar.

Guðmundur má velja Snorra og Ólaf í milliriðilinn

Sá möguleiki er tæknilega fyrir hendi að annað hvort Snorri Steinn Guðjónsson eða Ólafur Stefánsson komi til móts við landsliðið í milliriðlinum að því gefnu að íslenska liðið komist þangað.

EHF vísaði kvörtun Makedóníu frá

Úrslitin í leik Þýskalands og Makedóníu standa. Það er niðurstaða aganefndar EHF sem hefur vísað kvörtun Makedóníu frá vegna úrslita leiksins.

Norðmenn búnir að tilkynna sextánda manninn

Robert Hedin, þjálfari norska landsliðsins í handbolta, hefur ákveðið að kalla sextánda leikmanninn í hóp liðsins fyrir leikinn gegn Íslandi í kvöld. Það er skyttan Kent Robin Tønnesen sem leikur með Haslum í heimalandinu.

Þórir Hergeirsson telur að Norðmenn vinni Ísland í kvöld

"Leikur Íslands og Króatíu var ekki eins góður og margir hafa sagt. Það er allt opið í viðureign Noregs og Íslands,“ segir Þórir Hergeirsson, þjálfari heimsmeistaraliðs Noregs í kvennahandboltanum. Flestir handboltasérfræðingar eru á þeirri skoðun að Íslendingar séu mun sigurstranglegri gegn Noregi þegar liðin mætast á EM í Serbíu í kvöld en Þórir er á annarri skoðun.

Ólafur Bjarki: Er klár ef kallið kemur

Nýliðinn Ólafur Bjarki Ragnarsson var í fyrsta skipti í hóp með landsliðinu á stórmóti er Ísland mætti Króatíu á mánudag. Ólafur Bjarki kom reyndar ekki við sögu í leiknum.

Makedónar ósáttir - segja boltann hafa verið inni

Handknattleikssamband Makedóníu hefur lagt fram kæru vegna leiksins gegn Þýskalandi í gær. Þjóðverjar unnu leikinn 24-23 en Makedónar vilja meina að skot Kiril Lazarov nokkrum sekúndum fyrir leikslok hafi verið inni. Íslendingarnir Anton Gylfi Pálsson og Hlynur Leifsson dæmdu leikinn.

Björgvin: Er miklu ferskari í stuttermatreyjunni

Athygli vekur að markvörðurinn Björgvin Páll Gústavsson er farinn að spila í stuttermatreyju. Undir treyjunni er Björgvin síðan í þröngum galla sem er úr sama efni og Ingimundur Ingimundarson skartaði milli leikja á HM í fyrra og vakti mikla athygli. Var sá galli alltaf kallaður kafarabúningurinn.

Róbert og Kári: Skeggið fer ef við skorum ekki í dag

Línumennirnir Róbert Gunnarsson og Kári Kristján Kristjánsson skarta báðir ansi vígalegu skeggi. Vísi lék forvitni á að vita hvort eitthvað sérstakt lægi þar að baki.

Er að passa bandið fyrir Óla

Guðjón Valur Sigurðsson er aðalfyrirliði Íslands í fyrsta skipti á EM í Serbíu. Hann er þess utan orðinn vítaskytta liðsins og stóð sig vel í því hlutverki gegn Króatíu.

Þetta verða mikil slagsmál

Arnór Atlason segir að íslenska liðið sé tilbúið í slagsmálaleik gegn Norðmönnum rétt eins og á HM í fyrra. Þá hafði íslenska liðið betur. Strákarnir hafa mokað vonbrigðunum frá Króatíuleiknum undir teppið og eru klárir í bátana.

Myrhol: Það verða allir vinir aftur eftir leikinn

Norðmenn eru hæfilega bjartsýnir fyrir leikinn gegn Íslandi á morgun. Þeir búast þó við hörðum leik en síðast þegar liðin mættust var nánast slegist á vellinum.

Strákarnir fá að hita lengur upp í dag

Það var gríðarleg óánægja með þann litla tíma sem Ísland og Króatíu fengu til að hita upp fyrir sinn leik. Ísland stendur frammi fyrir sama vandamáli í kvöld þar sem leikurinn við Noreg er seinni leikur dagsins í Vrsac.

Oddur og Rúnar: Heilt herlið með okkur á æfingu

Þeir Rúnar Kárason og Oddur Gretarsson eru á meðal þriggja leikmanna landsliðsins sem eru utan hóps sem stendur. Þeir þurfa því að halda sér við á annan hátt en hinir.

Sjóðheitir Serbar lögðu Dani

Silfurlið Dana frá síðustu heimsmeistarakeppni varð að játa sig sigrað fyrir Serbíu, gestgjöfunum á HM í handbolta, þegar liðin mættust í A-riðli.

Þjóðverjar björguðu sér fyrir horn

Þýskaland vann nauman og afar mikilvægan sigur á Makedóníu á EM í Serbíu í dag, 24-23. Anton Gylfi Pálsson og Hlynur Leifsson dæmdu leikinn.

Svíar lögðu Tékka og tóku toppsætið í B-riðli

Svíar unnu þriggja marka sigur á Tékkum í viðureign liðanna á EM í Króatíu í kvöld. Lokatölurnar urðu 32-29 Svíum í hag í leik þar sem hinir gulklæddu höfðu frumkvæðið lengst af.