Adolf Ingi fór í kappát við Didier Dinart

Franska varnartröllið Didier Dinart hélt upp á 35 ára afmæli sitt í gær og fékk af því tilefni stærðarinnar afmælisköku á hóteli franska landsliðsins í Serbíu, þar sem EM í handbolta fer nú fram.

Adolf Ingi Erlingsson, fréttamaður á Rúv, flytur fréttir af mótinu á Youtube-síðu keppninnar og var á staðnum til að óska Dinart til hamingju.

Hann tók viðtal við kappann og þeir fóru svo í kappát þar sem sá franski hafði betur. Viðtalið og myndbandið má sjá hér fyrir ofan.