Dóttir Schumachers rýfur þögnina eftir þrettán ár

„Eftir slys pabba helti ég mér út í þetta,“ segir dóttirin samkvæmt þýska blaðinu Bild.

Michael Schumacher lenti í hörmulegu skíðaslysi í Ölpunum fyrir þrettán árum. Lítið hefur frést af lífi hans síðan þá og fáir utan fjölskyldunnar vita með vissu hvernig ástand hans er.

Dóttirin, Gina Schumacher, hefur verið algjörlega þögul frá slysinu. Nú tjáir hún sig í fyrsta sinn um föður sinn í heimildarmyndinni „Horsepower – The World of Gina Schumacher“.

Þar segir hún að hestarnir hafi hjálpað henni að vinna úr ástandi föður síns.

„Hestarnir hafa alltaf verið mikilvægir síðan þá hafa þeir sannarlega verið mikilvægir. Ég meina, ég gæti ekki verið án hesta. Þeir hjálpuðu mér í gegnum allt,“ segir hún í myndinni.

Gina er meðal þeirra fremstu í heiminum með nokkur heimsmeistaratignargull. Heimildarmyndin fylgir henni og móður hennar, Corinnu, á búgörðum í Sviss og Bandaríkjunum.

Corinna Schumacher segir að Michael hafi spáð fyrir um velgengni dóttur sinnar löngu áður en hún sló í gegn.

„Michael sagði einu sinni við mig þegar Gina var tíu ára: „Gina verður miklu betri en þú. Vegna þess að hún er eigingjarnari. Ef maður er íþróttamaður verður maður að vera eigingjarn á ákveðinn hátt, og það er frábært. Annars verður maður að engu.“ Í dag finnst mér hann hafa haft svo rétt fyrir sér,“ sagði Corinna Schumacher.

Dóttirin þakkar foreldrum sínum fyrir velgengni sína á hestbaki. Móðirin Corinna stundaði einnig hestaíþróttir á yngri árum. Þegar hún reyndi að taka upp áhugamálið aftur gekk það ekki sérstaklega vel.

„Hún átti hest áður og þegar við vorum yngri vildi hún byrja aftur en hún vildi öruggan hest. Svo var hún í Dúbaí með pabba og reið arabískum hestum, en pabbi datt af honum,“ segir Gina Schumacher.

Michael Schumacher er einn besti Formúlu 1-ökumaður allra tíma. Á ferli sínum vann hann sjö heimsmeistaratitla, sem ásamt Lewis Hamilton er meira en nokkur annar hefur náð.