Öll úrslitin í enska bikarnum í dag

28 leikjum er lokið í 3. umferð ensku bikarkeppninnar í dag en þar af fórum 27 þeirra fram klukkan þrjú. Ensku úrvalsdeildarliðin Chelsea, Aston Villa, Reading, Manchester City, Norwich City og Tottenham eru öll komin áfram í 4. umferðina en Newcastle er eina úrvalsdeildarliðið sem er fallið úr leik.

Gylfi og félagar örugglega áfram í enska bikarnum

Gylfi Þór Sigurðsson var í byrjunarliðinu annan leikinn í röð og spilaði fyrstu 79 mínúturnar þegar Tottenham vann 3-0 sigur á C-deildarliðinu Coventry City í 3. umferð ensku bikarkeppninnar. Öll mörk Tottenham komu í fyrri hálfleiknum og átti Gylfi þátt í því fyrsta.

17 ára strákur skoraði í sínum fyrsta leik með Man.City

Manchester City er komið áfram í 4. umferð enska bikarsins eftir 3-0 sigur á enska b-deildarliðinu Watford í 64 liða úrslitum keppninnar í dag. Í lok leiksins fékk 17 ára strákur að upplifa algjöra draumabyrjun með City-liðinu.

Demba Ba með tvö mörk í fyrsta leiknum með Chelsea

Demba Ba var á skotskónum í sínum fyrsta leik með Chelsea en hann skoraði tvö mörk þegar Chelsea vann 5-1 sigur á Southampton í 3. umferð ensku bikarkeppninnar. Southampton skoraði fyrsta markið en Chelsea svaraði með fimm mörkum.

Ekki mjög gott fyrir framherja að vera keyptur til Chelsea í tíð Romans

Chelsea gekk í gær frá kaupunum á Demba Ba frá Newcastle fyrir sjö milljónir punda en Senegalmaðurinn verður enn ein framherjinn sem keyptur er til Chelsea á tíu ára valdatíma Romans Abramovic. Hingað til hefur ekki boðað gott að vera keyptur til Chelsea í tíð Romans.

Sneijder spenntur fyrir ensku deildinni en vill ekki sjá QPR

Hollenski landsliðsmaðurinn Wesley Sneijder hefur lítið spilað með Internazionale í ítalska A-deildinni á þessu tímabili vegna bæði meiðsla og deilna við félag sitt um samningamál. Sneijder hefur ekki spilað með liði sínu síðan í september og er að leita sér að nýju félagi.

Newcastle fyrsta úrvalsdeildarliðið til að detta út úr enska bikarnum

Brighton & Hove Albion vann óvæntan 2-0 sigur á Newcastle í fyrsta leik dagsins í 3. umferð ensku bikarkeppninnar í fótbolta en ensku úrvalsdeildarliðin koma nú inn í 64 liða úrslit bikarkeppninnar.

Sir Alex Ferguson reiður út í Tottenham

Sir Alex Ferguson, knattspyrnustjóri Manchester United, er allt annað en sáttur með vinnuaðferðir Tottenham eftir að Lundúnafélagið keypti varnarmanninn Zeki Fryers frá Standard Liege en strákurinn er uppalinn hjá Manchester United.

Spurs búið að semja við Holtby

Gylfi Þór Sigurðsson fær enn meiri samkeppni hjá Tottenham á næsta tímabili því Tottenham er búið að semja við þýska miðjumanninn Lewis Holtby.

Wenger: Fólkið vill fá Lionel Messi

Arsene Wenger, knattspyrnustjóri Arsenal, viðurkennir að það sé mikil pressa á sér að kaupa þekkta leikmenn til félagsins því stuðningsmenn telja að það sé leiðin til að enda biðina eftir titli sem telur nú meira en sjö ár.

Balotelli fær hundrað tækifæri til viðbótar

Framtíð Mario Balotelli hjá Manchester City er ekki í neinu uppnámi þrátt fyrir uppákomu milli hans og knattspyrnustjórans á æfingu Manchester City í gær. Roberto Mancini gerði lítið úr atvikinu á blaðamannafundi í dag.

Demba Ba gerði þriggja og hálfs árs samning við Chelsea

Demba Ba er orðinn leikmaður Chelsea en þessi 27 ára framherji frá Senegal hefur gert þriggja og hálfs árs samning við félagið. Chelsea kaupir hann á sjö milljónir punda frá Newcastle þar sem hann hefur raðað inn mörkum síðustu misserin.

Wayne Rooney missir af Liverpool-leiknum

Wayne Rooney, framherji Manchester United, verður frá keppni í tvær vikur til viðbótar en þetta kom fram á blaðamannafundi með knattspyrnustjóra félagsins í dag. Rooney meiddist á hné á æfingu á Jóladag og hefur misst af síðustu þremur leikjum liðsins.

Mancini: Þetta var ekkert merkilegt

Roberto Mancini, knattspyrnustjóri Manchester City, gerði lítið úr meintum slagsmálum sínum við Mario Balotelli á æfingu liðsins í gær en Daily Mail birti fyrst enskra fjölmiðla dramatískar myndir af atvikinu.

Rodgers íhugar að færa Suárez aftar á völlinn

Brendan Rodgers, knattspyrnustjóri Liverpool, leitar nú leiða til þess að koma Daniel Sturridge inn í liðið sitt með sem bestum árangri en Liverpool keypti Sturridge frá Chelsea í vikunni fyrir tólf milljónir punda.

West Ham vill fá Marouane Chamakh frá Arsenal

Marouane Chamakh, framherji Arsenal, hefur kannski spilað sinn síðasta leik fyrir félagið því West Ham hefur mikinn áhuga á því að fá þennan 28 ára Marokkómann sem kom til Arsenal fyrir rúmum tveimur árum og viðræður milli Chamakh og Hamranna eru í gangi.

Balotelli sendur til City-prestsins í dag

Það gekk mikið á hjá þeim Roberto Mancini, stjóra Manchester City og Mario Balotelli, á æfingu liðsins í gær þegar upp úr sauð og Mancini virtist ráðast á leikmanninn ef marka má ljósmyndir sem náðust af atvikinu.

Eftirminnileg jól hjá Luis Suárez

Liverpool-maðurinn Luis Suárez fór á kostum með Liverpool í jólatörninni en þessi 25 ára Úrúgvæmaður var með fimm mörk og tvær stoðsendingar í fjórum leikjum Liverpool-liðsins í ensku úrvalsdeildinni frá 22. desember til 2. janúar.

Liverpool borgar Joe Cole áfram 10,4 milljónir á viku í 18 mánuði

Joe Cole er búinn að ganga frá tveggja og hálfs árs samningi við West Ham sem kaupir leikmanninn frá Liverpool. Liverpool er þó ekki búið að losa sig undan skuldbindingum sínum við leikmanninn samkvæmt frétt á talkSPORT.

Dramatískar myndir af því þegar Mancini réðst á Balotelli á æfingu

Daily Mail birti í dag dramatískar myndir á heimasíðu sinni þar sem þurfti að skilja á milli þeirra Roberto Mancini, knattspyrnustjóra Manchester City, og vandræðabarnsins Mario Balotelli.

Zlatan: Balotelli er besti leikmaður Manchester City

Sænski knattspyrnukappinn Zlatan Ibrahimovic er mikill aðdáandi Mario Balotelli hjá Manchester City. Kannski sér hann sjálfan sig í ítalska ungstirninu sem hefur gengið illa að fóta sig innan sem utan vallar inn á milli þess að hann sýnir heimsklassaframmistöðu inn á vellinum. Zlatan ráðleggur City-mönnum að sýna Mario Balotelli ást og umhyggju ef þeir ætli að ná eitthvað út úr honum.

Sir Alex Ferguson: Alltof snemmt að leita að eftirmanni mínum

Sir Alex Ferguson, stjóri Manchester United, er harður á því að sitja áfram í stjórastólnum á Old Trafford eftir þetta tímabil og gefur lítið fyrir sögusagnir að hann ætli að hætta í vor. Ferguson er á góðri leið með að gera Manchester United að enskum meisturum í þrettánda sinn.

Allt um fyrstu leiki ársins í enska boltanum

Þeir sem misstu af umferðinni í enska boltanum í vikunni eða vilja bara horfa á það helst aftur þá er hægt að fá flott yfirlit inn á Vísi. Eins og vanalega er nefnilega hægt að finna margskonar samantektir eftir hverja umferð ensku úrvalsdeildarinnar inn á Sjónvarpsvefnum á Vísi.

Redknapp: Ég elska Joe Cole

West Ham er langt komið með að ganga frá kaupunum á Joe Cole frá Liverpool en það er ljóst að annar stjóri var tilbúinn að fá þennan 31 árs gamla leikmann til sín í janúarglugganum. Joe Cole fer í læknisskoðun hjá West Ham í dag.

Cech frá í þrjár vikur

Petr Cech, tékkneski markvörðurinn hjá Chelsea, verður frá næstu þrjár vikurnar vegna nárameiðsla sem hann varð fyrir í sigri á Everton á Goodison Park á dögunum. Cech var ekki með Chelsea í gær þegar liðið tapaði óvænt á heimavelli á móti Queens Park Rangers.

Pardew: Demba Ba mun fara til Chelsea

Alan Pardew, stjóri Newcastle, er búinn að sætta sig við það að sjá á eftir senegalska framherjanum Demba Ba til Chelsea en Chelsea fékk leyfi til að ræða við leikmanninn í gær.

Konurnar þvinguðu flutning Fellaini til Manchester

Marouane Fellaini hefur flutt heimili sitt frá Liverpool, þar sem hann iðkar íþrótt sína með Everton, til Manchester. Ástæðan er ágengt kvenfólk í Liverpool.

Benitez: Margt fór úrskeiðis í kvöld | Redknapp hrósar Taarabt

Rafael Benitez, stjóri Chelsea, var að vonum svekktur með frammistöðu sinna manna í tapinu gegn botnliði QPR á heimavelli í kvöld.

Rodgers: Suarez er eins og Messi

Brendan Rodgers, stjóri Liverpool, hrósaði Luis Suarez í hástert fyrir frammistöðu sína í 3-0 sigri Liverpool gegn Sunderland í kvöld.

Lampard: Chelsea getur orðið enskur meistari í vor

Frank Lampard skoraði bæði mörk Chelsea í 2-1 sigri á Everton á Goodison Park í síðasta leik Chelsea á árinu og hann verður væntanlega í stórtu hlutverki í kvöld þegar Chelsea mætir Queens Park Rangers í fyrsta leik sínum á árinu 2013.

Everton upp fyrir Arsenal

Everton vann góðan 2-1 útisigur á Newcastle í viðureign liðanna í 21. umferð ensku úrvalsdeildarinnar í knattspyrnu í kvöld.

Wright-Phillips tryggði QPR óvæntan sigur á Chelsea

QPR vann afar óvæntan sigur á Chelsea í Lundúnarslag á Stamford Bridge í kvöld. Shaun Wright-Phillips skoraði eina mark leiksins tólf mínútum fyrir leikslok.

Suarez stórkostlegur í sigri Liverpool

Luis Suarez skoraði tvívegis í 3-0 sigri Liverpool á Sunderland í ensku úrvalsdeildinni á Anfield Road í kvöld. Suarez skoraði tvö auk þess að leggja upp eitt fyrir Raheem Sterling.

Daniel Sturridge orðinn leikmaður Liverpool: Ánægður og auðmjúkur

Liverpool gekk í dag frá kaupunum á enska landsliðsframherjanum Daniel Sturridge sem liðið fær frá Chelsea. Þessi kaup hafa legið lengi í loftinu og koma engum á óvart sem fylgst hefur með enskum fjölmiðlum upp á síðkastið.

Redknapp: Aðeins algjör bjáni myndi klúðra því að stýra Chelsea

Harry Redknapp, stjóri Queens Park Rangers, sendi Rafael Benitez smá skilaboð, í viðtali við BBC fyrir leik Chelsea og Queens Park Rangers í ensku úrvalsdeildinni í kvöld. Chelsea-liðið hefur verið að komast á flug undir stjórn Benitez en Redknapp gerir lítið úr hlut spænska stjórans í því.

Demba Ba má byrja að ræða við Chelsea

Newcastle United hefur greint frá því á twitter-síðu sinni að Chelsea hafi fengið leyfi til að ræða við framherjann Demba Ba. Chelsea er að leita sér að nýjum framherja og nú lítur út fyrir það að þeir ætli að finna hann í Norður Englandi.

Owen svaraði fyrir sig með mynd af verðlaunaskápnum sínum

Michael Owen var ekki í hópnum hjá Stoke í tapinu á móti Manchester City í gær og hefur ekki spilað með liðnu síðan í lok október. Owen tjáði sig aðeins um leikinn við City á twitter-síðu sinni í gær og fékk í framhaldinu yfir sig flóð af neikvæðum og móðgandi ummælum.

Van Persie markahæstur með sextán mörk

Robin van Persie skoraði tvö mörk fyrir Manchester United í 4-0 útisigri á Wigan í ensku úrvalsdeildinni í knattspyrnu í gær. Hollendingurinn hefur þriggja marka forskot í baráttunni um markakóngstitilinn með sextán mörk.

Wigan fékk 18 ára strák að láni frá Manchester United

Angelo Henriquez, 18 ára framherji frá Chile, mun spila með Wigan það sem eftir er af þessu tímabili. Sir Alex Ferguson ákvað að lána strákinn en Manchester United vann einmitt 4-0 sigur á Wigan í gær.

Wenger: Thierry Henry mun ekki spila aftur með Arsenal

Arsène Wenger, knattspyrnustjóri Arsenal, hefur lokað á þann möguleika á að Thierry Henry komi til liðsins á láni eins og hann gerði á sama tíma fyrir ári síðan. Wenger hafði í fyrstu tekið vel í það að fá Henry aftur en var ekki sáttur við form leikmannsins þegar hann æfði með Arsenal á dögunum.

Robin van Persie: Umkringdur af meisturum

Robin van Persie hefur verið frábær á sínu fyrsta ári með Manchester United en Hollendingurinn skoraði sitt 15. og 16. deildarmark í gær þegar liðið vann 4-0 útisigur á Wigan. Van Persie talaði um sigurhugarfarið innan liðsins í viðtali við MUTV eftir leikinn.

Svona byrjaði árið hjá United og City - stoðsendingin hans Gylfa

Leikmenn ensku úrvalsdeildarinnar voru á fullu um Jól og áramót og léku margir fjórða leikinn á tíu dögum í gær Nýársdag. Eins og vanalega er hægt að sjá svipmyndir úr öllum leikjunum inn á Sjónvarpsvef Vísis.

Flugeldar trufluðu nætursvefn leikmanna Fulham

Fulham sigraði West Brom 2-1 í dag í ensku úrvalseideildinni en heppnin var með Fulham í leiknum þar sem liðið náði sér ekki á strik. Martin Jol þjálfari liðsins kennir flugeldasýningu fyrir utan hótelglugga leikmanna um frammistöðuna á vellinum.

Wenger: Hugsanlega vanmátum við Southampton

Arsene Wenger, knattspyrnustjóri Arsenal, var ekki sáttur við 1-1 jafntefli sinna manna gegn Southampton í ensku úrvalsdeildinni í dag.

Aron lék allan leikinn í sigri | Cardiff með sjö stiga forystu á toppnum

Aron Einar Gunnarsson lék allan leikinn fyrir Cardiff sem sigraði Birmingham 1-0 á útivelli í dag í ensku B-deildinni. Heiðar Helguson sat allan tímann á bekknum.