Annar sigur U19 liðsins á Skotum

Íslenska U19 landsliðið spilaði í dag annan æfingaleik sinn gegn skoska U19 landsliðinu. Ísland vann 1-0 sigur en eina mark leiksins skoraði Gylfi Þór Sigurðsson, leikmaður hjá unglingaliði Reading í Englandi.

Liverpool býður í Foggia

Gazzetta dello Sport á Ítalíu segir að Liverpool hafi boðið átta milljónir punda í miðvallarleikmanninn Pasquale Foggia. Liverpool er í leit að vinstri kantmanni og er Foggia hugsaður í þá stöðu.

Shevchenko varar Ítali við

Sóknarmaðurinn Andriy Shevchenko segir að ítalska landsliðið geti búist við erfiðum leik á miðvikudag gegn Úkraínu. Þrátt fyrir að Shevchenko sé úti í kuldanum hjá Chelsea þáspilar hann með úkraínska landsliðinu.

Hargreaves og Lampard verða ekki með

Ljóst er að miðjumennirnir Owen Hargreaves og Frank Lampard verða ekki með enska landsliðinu gegn Rússlandi á miðvikudag. Þeir eiga við meiðsli að stríða og léku ekki með gegn Ísrael um helgina.

Isaksson ætlar aftur í markið

Sænski markvörðurinn Andreas Isaksson segist ákveðinn í að vinna sæti sitt hjá Manchester City til baka. Isaksson hefur ekkert leikið með nú í byrjun tímabilsins á Englandi vegna meiðsla.

Ósáttur við framkomu Chelsea

Þýska knattspyrnusambandið er allt annað en sátt við hve lengi leyfi barst frá Chelsea fyrir því að Michael Ballack gæti leikið í auglýsingu fyrir Adidas. Ballack er fyrirliði þýska landsliðsins og átti að leika í auglýsingunni um helgina.

Vinátta Barry og Gerrard hafði sitt að segja

Steven Gerrard segir að náið samband sitt við Gareth Barry hafi hjálpað þeim mikið að ná saman á miðju enska landsliðsins. Þeir náðu nær óaðfinnanlega saman þegar enska landsliðið lék gegn Ísrael og má reikna með því að þeir verði þar einnig gegn Rússlandi á miðvikudag.

Healy tæpur

Norður-Írski markahrókurinn David Healy meiddist lítillega á æfingu liðsins í Reykjavík í dag samkvæmt tilkynningu frá írska knattspyrnusambandinu. Healy fékk spark í kálfann og dró sig því í hlé frá æfingum. Þá eru bæði Keith Gillespie og Jonny Evans í baráttu við smávægileg meiðsli, en gert er ráð fyrir því að þeir verði nógu heilir í leiknum á miðvikudagskvöldið.

Á alveg eins von á að vera bara á Íslandi

"Ég fékk dálítið af fyrirspurnum frá öðrum félögum en ég gaf það alltaf til kynna að KR væri fyrsti kostur hjá mér," sagði landsliðsmaðurinn Helgi Már Magnússon í samtali við Vísi.is í dag - skömmu eftir að hann handsalaði samning um að leika með Íslandsmeisturum KR í körfubolta í vetur.

Baird hlakkar ekki til að mæta Eiði Smára

"Já, ég er það að minnsta kosti," sagði Chris Baird fyrirliði Norður-Íra og hló í samtali við Vísi í dag þegar hann var spurður hvort hann óttaðist Eið Smára Guðjohnsen ef hann næði að spila leik Íslands og Norður-Írlands í undankeppni EM á miðvikudagskvöldið.

Navarro laus úr banni

Varnarmaðurinn David Navarro hjá Real Mallorca verður væntanlega í leikmannahópi Real Mallorca fyrir leik liðsins gegn Villarreal á sunnudaginn, en þá verður hann búinn að ljúka sex mánaða keppnisbanninu sem hann fékk fyrir slagsmál á sínum tíma. Navarro er samningsbundinn Valencia en er lánsmaður hjá Mallorca. Hann var einn aðalmaðurinn í ólátunum sem urðu á leik Valencia og Inter Milan í mars.

Ronaldinho kominn í náðina hjá Dunga

Brasilíski snillingurinn Ronaldinho virðist hafa komið sér í betri bækurnar hjá landsliðsþjálfaranum Dunga á ný eftir frábæra frammistöðu í 4-2 sigri Brasilíumanna á Bandaríkjamönnum í æfingaleik í gær. Ronaldinho lagði upp tvö mörk í leiknum og skoraði eitt sjálfur.

Gerrard segist klár í Rússana

Enski landsliðsmaðurinn Steven Gerrard hefur lýst því yfir að hann sé klár í slaginn með enska landsliðinu fyrir leikinn gegn Rússum í undankeppni EM á miðvikudaginn. Gerrard spilaði 70 mínútur gegn Ísraelum á laugardaginn, en það voru fyrstu mínútur hans í langan tíma eftir að hann tábrotnaði. "Táin er fín og ég er í fínu formi fyrir miðvikudagsleikinn," sagði Gerrard.

Tottenham sagt á eftir Jaaskelainen

Breska blaðið Daily Mail heldur því fram í dag að Tottenham sé nú búið að blanda sér í hóp þeirra félaga sem eru að reyna að fá til sín finnska landsliðsmarkvörðinn Jussi Jaaskelainen frá Bolton. Markvörðurinn hefur enn ekki framlengt samning sinn við Bolton, en þessi 32 ára gamli leikmaður er almennt álitinn einn besti markvörður í ensku úrvalsdeildinni.

Reykjavíkurmótið hófst í gær

Reykjavíkurmótið í körfuknattleik hófst í gærkvöldi með tveimur leikjum. ÍR-ingar lögðu Fjölni 95-92 þar sem ÍR tryggði sér sigurinn á síðustu sekúndum leiksins og KR-ingar unnu auðveldan sigur á Valsmönnum í Vodafone-höllinni 101-73. ÍR og Valur mætast í Seljaskóla í kvöld og Fjölnir tekur á móti KR í Grafarvogi. Leikirnir hefjast klukkan 19:15.

Carragher að verða klár

Varnarjaxlinn Jamie Carragher hjá Liverpool stefnir á að verða orðinn leikfær þegar Liverpool mætir Portsmouth í ensku úrvalsdeildinni um næstu helgi. Carragher er byrjaður að æfa létt eftir að hafa meiðst á rifjum í leik gegn Sunderland í síðasta mánuði. Rafa Benitez, stjóri Liverpool, segir að það komi líklega í ljós á föstudag hvort hann nær leiknum.

Ramage úr leik hjá Newcastle

Bakvörðurinn Peter Ramage hjá Newcastle hefur fengið þau slæmu tíðindi frá læknum félagsins að hann geti tæplega spilað með liði sínu það sem eftir lifir leiktíðar. Ramage meiddist illa á hné í leik gegn Middlesbrough í síðasta mánuði þar sem hann sleit krossbönd.

Ásgeir Elíasson látinn

Ásgeir Elíasson, fyrrum landsliðsmaður og landsliðsþjálfari Íslands í knattspyrnu, lést á heimili sínu í gær. Einnar mínútu þögn verður gerð fyrir leik Íslendinga og Norður-Íra á miðvikudag til að minnast Ásgeirs og munu íslensku landsliðsmennirnir leika með sorgarbönd.

Bentley lætur baulið ekki hafa áhrif á sig

Vængmaðurinn David Bentley spilaði sinn fyrsta landsleik fyrir Englendinga um helgina þegar hann kom inn sem varamaður í sigri liðsins á Ísrael 3-0. Nokkrir ensku áhorfendanna bauluðu á Bentley, en hann segir það ekki hafa varpað skugga á besta dag lífs síns.

Worthington æfur eftir tapið gegn Lettum

Nigel Worthington, landsliðsþjálfari Norður-Íra, var æfur eftir að lið hans tapaði 1-0 fyrir Lettum á laugardaginn og missti þar með af mjög dýrmætum stigum í toppbaráttunni í F-riðli í undankeppni EM. Hann segir engann mann vera öruggan um sæti sitt í liðinu fyrir leikinn gegn Íslendingum á miðvikudag.

Ronaldo á langt í land

Brasilíski framherjinn Ronaldo hjá AC Milan getur ekki leikið með liði sínu á næstunni eftir að læknar í heimalandi hans komust að því að meiðsli hans eru alvarlegri en talið var í fyrstu. Ronaldo hefur ekkert komið við sögu hjá liði Milan í upphafi leiktíðar og verður væntanlega frá keppni næsta mánuðinn eða svo.

Hiddink á ekki von á að Englendingar vinni riðil sinn

Hollendingurinn Guus Hiddink, landsliðsþjálfari Rússa, segist ekki reikna með því að Englendingar nái upp úr riðli sínum í undankeppni EM. Hiddink mætir Englendingum á Wembley á miðvikudaginn og segist eiga von á því að þau þrjú lið sem eru í efstu sætunum í dag berjist um sigur í riðlinum.

Phil Jackson í heiðurshöllina

Körfuboltaþjálfarinn Phil Jackson var um helgina vígður inn í bandarísku heiðurshöllina í körfubolta og hlaut hann þennan heiður strax við fyrstu tilnefningu. Jackson hefur unnið níu meistaratitla sem þjálfari og einn sem leikmaður. Hann vann titil með New York sem leikmaður og sex með Chicago og þrjá með Lakers sem leikmaður.

Liðið hefur vantað herslumuninn

Íslenska knattspyrnulandsliðið hefur komist yfir í fjórum síðustu heimaleikjum en ekki náð að halda út og vinna leikina. Í síðustu leikjum fékk liðið góð færi til að komast í 2-0 en tókst ekki að tryggja sigurinn.

Tiger vann í Illinois

Hinn eini sanni Tiger Woods sigraði á PGA-stórmótinu í golfi sem lauk á Lemmont í Illinois í kvöld. Woods vann með tveggja högga mun en hann lék lokahringinn á 63 höggum eða átta undir pari og lauk keppni á 22 höggum undir pari.

Emre vill til Galatasaray

Emre, miðjumaður Newcastle, vill fara til Galatasaray í janúar þegar félagaskiptaglugginn opnar. Þessi trykneski landsliðsmaður hefur færst neðar í goggunarröðinni síðan Sam Allardyce tók við stjórnartaumunum á St James´Park.

Flensburg vann Gummersbach

Gummersbach tapaði í dag á heimavelli sínum fyrir Flensburg 28-30 í þýsku úrvalsdeildinni í handbolta. Alexander Petersson skoraði tvö mörk fyrir Flensburg en Einar Hólmgeirsson komst hinsvegar ekki á blað.

Nína og Haraldur stigameistarar

Sjötta og síðasta stigamótið í Kaupþingsmótaröðinni í golfi fór fram í dag. Nína Björk Geirsdóttir úr GKj og Haraldur Hilmar Heimisson úr GR eru stigameistarar 2007. Fyrir mótið var Nína orðin stigameistari en Örn Ævar Hjartarson var efstur í karlaflokki.

Rui Costa: Ronaldo og Kaka bestir

Rui Costa, leikmaður Benfica, er á þeirri skoðun að Cristiano Ronaldo og Kaka séu bestu leikmenn heims í dag. Flestir búast við því að Kaka fái gullknöttinn sem leikmaður ársins í Evrópu en Costa vill skipta verðlaununum milli leikmannana.

Grétar Rafn og Hermann æfðu með fötluðum

Mikið fjör var á fótboltaæfingu hjá fötluðum í morgun en hún fór fram á sparkvellinum við Laugarnesskóla. Landsliðsmennirnir Grétar Rafn Steinsson og Hermann Hreiðarsson mættu á æfinguna og léku listir sínar.

Tottenham á eftir Lulinha

Tottenham er á eftir Lulinha, brasilískum sókndjörfum miðjumanni. Lulinha er aðeins sautján ára en hann er hjá Corinthians. Hann var fyrirliði hjá U17 landsliði Brasilíu á heimsmeistaramótinu í Suður-Kóru og er þegar farinn að leika fyrir aðallið Corinthians.

Huntelaar til Manchester?

Grannarnir í Manchester United og Manchester City eru á eftir Klaas-Jan Huntelaar, sóknarmanni Ajax. Bæði lið eru í leit að nýjum sóknarmanni en Huntelaar hefur verið líkt við landa sinn Ruud van Nistelrooy.

Rio kemur Bentley til varnar

Rio Ferdinand, varnarmaður enska landsliðsins, er alls ekki sáttur við móttökurnar sem David Bentley fékk í sigrinum á Ísrael í gær. Bentley dró sig út úr U21 landsliðshópnum í sumar og stuðningsmenn Englands létu óánægju sína í ljós í leiknum í gær.

Worthington bandbrjálaður

Nigel Worthington, landsliðsþjálfari Norður-Írlands, var bandbrjálaður eftir að lið hans tapaði fyrir Lettlandi í gær. Hann sagði að eftir svona frammistöðu væri réttast að skipta út öllum ellefu leikmönnunum fyrir leikinn gegn Íslandi á miðvikudag.

Stam ánægður með Sir Alex

Jaap Stam, varnarmaður Ajax, segir að Sir Alex Ferguson sé meiri maður eftir að hafa viðurkennt að það hafi verið mistök að selja hann á sínum tíma. Þetta hollenska varnarnaut var lykilmaður hjá liði Manchester United frá 1998 til 2001.

Alonso fyrstur í mark

Fernando Alonso, ökumaður McLaren, kom fyrstur í mark á Monza brautinni í dag. Þar með náði hann að minnka forystu liðsfélaga síns, Lewis Hamilton, í heildarstigakeppninni niður í aðeins þrjú stig.

Giggs á nóg eftir

Andrei Kanchelskis, fyrrum leikmaður Manchester United, segir að Ryan Giggs geti spilað í fremstu röð í nokkur ár í viðbót. Sjálfur hætti Kanchelskis knattspyrnuiðkun þegar hann var 38 ára og segir að Giggs ætti að geta það líka.

Wenger: Við getum orðið bestir

Arsene Wenger, knattspyrnustjóri Arsenal, segir að gríðarlegur metnaður sinn hafi ýtt sér áfram í að skrifa undir nýjan samning við félagið. Wenger segir að Arsenal eigi möguleika á að verða besta knattspyrnulið heims.

Meiðsli herja á ítalska liðið

Líkur eru á að Andrea Pirlo, miðjumaður AC Milan, muni missa af landsleik Ítalíu gegn Úkraínu á miðvikudag. Áður var ljóst að Marco Materazzi, Luca Toni og Gennaro Gattuso verða ekk með í leiknum en sá síðastnefndi tekur út leikbann.

McClaren: Nú er bara að taka Rússa

Steve McClaren, landsliðsþjálfari Englands, var í skýjunum eftir 3-0 sigurinn á Ísrael í gær. Hann vill að sínir menn endurtaki leikinn á miðvikudaginn þegar rússneska landsliðið mætir í heimsókn á Wembley.

Frakkland vann Þýskaland

Í gær var leikið í milliriðli B á Evrópumótinu í körfubolta. Frakkar unnu glæsilegan sigur á Þjóðverjum 78-66, Litháen vann Ítalíu naumlega og Slóvenía bar sigurorð af Tyrklandi.

Einkunnagjöf íslenska liðsins

Fréttablaðið gaf leikmönnum íslenska landsliðsins einkunnir fyrir þeirra frammistöðu í leiknum gegn Spánverjum í gær. Hér má sjá einkunnagjöf blaðsins ásamt rökstuðningi.

Lippi í sigtinu hjá Tottenham

Breskir fjölmiðlar halda því fram að ítalski stórþjálfarinn Marcello Lippi, sem stýrði Ítölum til sigurs á HM í Þýskalandi í fyrra, sé líklegastur til að taka við knattspyrnustjórastöðunni hjá Tottenham af Martin Jol ef leikur liðsins gegn Arsenal um næstu helgi tapast.

Spánverjar jöfnuðu í lokin

Fyrirfram hefði jafntefli gegn Spánverjum verið talin frábær úrslit fyrir íslenska landsliðið. En miðað við þróun leiksins í kvöld er svekkjandi að hafa ekki tekið öll stigin. Leikur Íslands og Spánar á Laugardalsvelli endaði með jafntefli 1-1.

Ramos: Áttum meira skilið

Sergio Ramos, varnarmaður spænska landsliðsins, sagði í samtali við útvarp Marca að Spánn hefði átt skilið að vinna leikinn gegn Íslandi í kvöld. Spánverjar höfðu tögl og haldir í seinni hálfleiknum og náðu að jafna í 1-1 sem urðu úrslit leiksins.