Minni stríðshugur meðal þess sem útskýrir lækkandi eldsneytisverð

"Það er nú minni stríðshugur, sem betur fer, en það er þó tvennt sem hefur gerst síðustu daga og vegur þungt, þannig hefur komið í ljós að það var framleidd meiri olíu frá olíuframleiðsluríkjum OPEC en gert var ráð fyrir og svo að það er minni hagvöxtur í Bandaríkjunum,“ útskýrði Magnús Ásgeirsson, eldsneytissérfræðingur N1, sem Reykjavík síðdegis ræddi við í dag til þess að leita skýringa á lækkandi eldsneytisverði í heiminum, og svo auðvitað hér á landi.

Sigu niður 27 metra háan vegg: Miklu erfiðara en að ganga upp á fjöll

Sig- og björgunarsveitarmennirnir Andrés Róbertsson og Jónas Grétar Sigurðsson, kalla ekki allt ömmu sína þegar kemur að mikilli hæð. Nú í kvöld ráku gestir Borgartúns upp stór augu í kvöld þegar þeir sáu kappana síga niður himinháan vegg.

Heimavinnandi foreldri ekki með undir 560 þúsund í mánaðarlaun

Heimavinnandi húsmóðir, eða húsfaðir, er ekki með lægri en 560 þúsund í mánaðarlaun samkvæmt útreikningum kjaramálasviðs Eflingar. Reykjavík síðdegis ræddi við Hörpu Ólafsdóttur, forstöðumanns kjarasviðsins, og báðu hana um að reikna mánaðarlaun heimavinnandi foreldra. Þannig voru ýmis störf tekin með í reikninginn sem heimavinnandi foreldri þarf að inna af hendi, svo sem matreiðslu, umönnun og þrif.

Stakk af frá lögreglu og tilkynnti bílinn stolinn skömmu síðar

Lögreglan þarf oft að takast á við furðulega einstaklinga í samfélaginu. Þannig lýsir lögreglan viðskiptum sínum við einn með eftirfarandi hætti:

Aðstæður fjölskyldufólks oft til skammar í ósamþykktum íbúðum

Meirihluti þeirra sem býr í ósamþykktu íbúðarhúsnæði á höfuðborgarsvæðinu er fjölskyldufólk en aðstæður þeirra eru oft til skammar og fær á slökkviliðsmenn að sögn slökkviliðsstjóra.

Lítill drengur varð fyrir rafmagnslest

Lítill drengur slasaðist fyrir skömmu á fæti eftir að hafa orðið fyrir rafmagnslestinni í Fjölskyldu- og húsdýragarðinum. Verkefnastjóri slysavarna barna og unglinga segir fjölda slysa hafa orðið í garðinum. Nauðsynlegt sé að skilgreina mismunandi starfsemi garðsins.

Ekki verið að fara bakdyraleið að samningum við Nubo

Iðnaðarráðherra segir alls ekki verið að fara bakdyraleið að samningum við Huang Nubo með því að leigja honum land Grímssstaða á Fjöllum. Nubo sjálfur virðist kominn lengra í samningsferlinu en íslensk stjórnvöld, ef marka má yfirlýsingar hans í kínverskum fjölmiðlum í dag.

Nubo feginn því að Ögmundur hafi ekkert með málið að gera

Kínverski kaupsýslumaðurinn Huang Nubo segir í samtali við kínverska blaðið China Daily í dag að samningar séu nærri í höfn um leigu hans á Grímsstöðum á fjöllum. Hart hefur verið tekist á um málið og segir Nubo að svo virðist sem þolinmæði hans sé loks að bera ávöxt.

Leiðrétting

Vegna fréttar okkar í fyrrakvöld um að Umhverfisstofnun hefði rukkað kræklingabónda um 38 þúsund krónur fyrir áminningarbréf og afsökunarbeiðni, skal það leiðrétt að ekki var send rukkun fyrir afsökunarbeiðni. Umræddur reikningur var sendur fyrir mistök og var felldur niður þegar þau uppgötvuðust.

Karlar með 6,6% hærri laun en konur

Föst laun karla á Íslandi eru 6,6% hærri en föst laun kvenna þegar búið er að taka tillit til helstu áhrifaþátta. Þetta er niðurstaða greiningar PwC á launamun kynjanna. Greiningin byggir á ítarlegum gögnum, sem fengin voru úr launakerfum liðlega 70 íslenskra fyrirtækja, yfir launagreiðslur í septembermánuði árið 2011.

Sitja inni í tvo mánuði eftir sérstaklega hættulega líkamsárás

Karl og kona um þrítugt voru dæmd í fangelsi í Héraðsdómi Reykjaness í dag fyrir sérstaklega hættulega líkamsárás á veitingastaðnum Players í Kópavogi í janúar í fyrra. Fólkið lenti í deilum við mann inni á staðnum en þau voru þar að skemmta sér.

Í fangelsi fyrir fjölmörg brot

Fjórir piltar voru dæmdur í fangelsi í Héraðsdómi Reykjavíkur í dag fyrir fjölmörg brot víða um land. Brotin voru framin í fyrra og í ár en á meðal þess sem þeir voru sakfelldir fyrir voru þjófnaðir, eignaspjöll og umferðar- og fíkniefnalagabrot. Einn af mönnunum var dæmdur í 2 ára fangelsi, annars í 12 mánaða fangelsi og hinir tveir hlutu skilorðsbundna dóma í fjóra og sex mánuði. Þeir sem hlutu þyngsta og næst þyngsta dóminn voru sviptir ökurétti, annar í tvö ár en hinn ævilangt - sá er tvítugur að aldri.

Viljum koma til móts við venjulega skákáhugamenn

Þeir sem hingað til hafa gripið í tafl á kaffistofum fyrirtækja sér til skemmtunar geta nú sameinast í sveit og keppt fyrir hönd síns fyrirtækis á Firmamótinu í skák þann 9. maí frá 16 til 19 í Tjarnarsal Ráðhúss Reykjavíkur. Mótið er haldið af skákdeild Fjölnis í Grafarvogi. Formaður hennar er Helgi Árnason, skólastjóri Rimaskóla, en einnig vinnur Fjölnismaðurinn Héðinn Steingrímsson, stórmeistari og núverandi Íslandsmeistari í skák, að framgangi mótsins.

ESB blandar sér ekki í málefni iðnaðarráðuneytis

Oddný Harðardóttir settur iðnaðarráðherra segir að hvorki sendiherra ESB, né nokkur annar á vegum sambandsins, hafi blandað sér í málefni ráðuneytisins. Þetta er svar ráðherra við fyrirspurn sem Ásmundur Einar Daðason þingmaður Framsóknarflokksins lagði fram á Alþingi. Ásmundur vildi fá að heyra skoðun ráðherrans á því að "ESB, með fjármunum og þáttöku sendiherra og sendiráðs“, hefði blandað sér með beinum hætti í umræður um áhrif ESB-aðildar á þá málaflokka sem undir ráðuneytið heyri.

Lýst eftir svörtum Clio

Lögreglan á höfuðborgarsvæðinu lýstir eftir Renault Clio sem stolið var í Garðabæ þann 17. apríl síðastliðinn. Bifreiðin er svört að lit, árgerð 1999 og með skráningarnúmerið RU-879. Ákoma er á vinstra framhorni bifreiðarinnar en lögregla telur mögulegt að skipt hafi verið um bílnúmer á bílnum. Þeir sem kunna að búa yfir upplýsingum um málið eru beðnir um að hafa samband við lögregluna í síma 444-1000, eða í gegnum netfangið abending@lrh.is

Líkja eftir flugslysi á Keflavíkurflugvelli

Umfangsmesta flugslysaæfing landsins verður haldin á Keflavíkurflugvelli á morgun. Það er Lögreglustjórinn á Suðurnesjum, almannavarnadeild ríkislögreglustjóra og Isavia sem standa fyrir æfingunni. Líkt er eftir flugslysi við lendingu á Keflavíkurflugvelli og æfð samvinna viðbragðsaðila með áherslu á samhæfingu og virkni áætlunarinnar.

Uglan lokaði í nokkrar mínútur - nemendur ósáttir

Nemendur í Háskóla Íslands voru margir hverjir ósáttir þegar þeir fóru inn á innranet skólans, Ugluna, eftir hádegið í dag. Þar blasti við texti að henni hafi verið lokað tímabundið vegna viðhalds. Á Facebook sögðu margir nemendur að þetta væri ekki heppilegasti tíminn til að loka Uglunni, enda prófin í hámarki og á heimasvæðum nemenda sé mikið magn af gögnum sem tengjast kennslunni. Samkvæmt upplýsingum frá Reiknistofnun Háskóla Íslands er búið að opna Ugluna núna og var síðunni einungis lokað í stuttan tíma vegna uppfærslu. Ósáttir nemendur gátu því tekið gleðin upp á ný, nokkrum mínútum eftir að látið reiði sína í ljós á samskiptamiðlinum.

Samningur við Nubo ræddur á ríkisstjórnarfundi

Fyrirhuguð leiga kínverska fjárfestisinins Huang Nubo á Grímsstöðum á Fjöllum var rædd á ríkisstjórnarfundi í morgun. Ögmundur Jónasson, innanríkisráðherra, segir samninginn sem bjóða á Nubo hafi ekki verið lagðan fyrir fundinn. Iðnaðarráðherra, sem hefur forræði yfir málinu, kynnti stöðuna fyrir ráðherrum ríkisstjórnarinnar í morgun. Ögmundur Jónasson er meðal þeirra ráðherra sem þar óskaði eftir frekari upplýsingum. "Við höfum ekki séð samninginn. Samningurinn var í rauninni ekki kynntur heldur svona farið almennum orðum um málið.En að sjálfsögðu hljóta menn að vilja sjá þennan samning," segir hann. "Þetta er meira en að segja það að ráðstafa landi, hvort sem það er eignarlandi eða afnotaréttur að landi, sem liggur að öræfum Íslands, að ráðstafa slíkum rétti út fyrir landssteinana. Það verður ekkert gert bara eins og að drekka úr vatnsglasi. Við þurfum að skoða það mjög vandlega. Sú umræða hófst í morgun en henni var ekki lokið," segir Ögmundur. Meðal þess sem Ögmundur óskaði upplýsinga um er sú fyrirtækjasamsteypa sem þarna á í hlut, nánari gögn um áformin og hvernig að þessu verði staðið. Sem kunnugt er lagðist Ögmundur mjög gegn kaupum Nubo á Grímsstöðum, og hefur verið rætt um að verið sé að fara einskonar bakdyraleið með því að leigja honum landið. Mál Nubo hefur áður verið rætt á ríkisstjórnarfundi. "Þetta er í öðrum farvegi núna. Nú eru menn að skoða lög sem heimila ívilnanir fyrir erlendar fjárfestingar, og með þeim hætti er hægt að ná kannski sömu markmiðum og áður var rætt um, en í öðru ferli. Ég hef verið með ákveðin varnaðarorð uppi og það hefur ekkert slegið á mínar efasemdir í þessu máli," segir Ögmundur.

Fréttu af leigjendunum fyrir nokkrum dögum

Talsmaður Dróma segir fyrirtækið hafa frétt af leigjendum og ástandi brunavarna í ósamþykktu íbúðarhúsnæði í Kópavogi fyrir nokkrum dögum. Eignin er í eigu fyrirtækisins en leigusamningur var gerður við fyrrum eiganda.

Berklameðferðir hafa skilað góðum árangri

"Þetta er viðráðanlegt mál og þær meðferðir sem er boðið upp á hér á landi ganga vel,“ segir Haraldur Briem sóttvarnalæknir um berkla. Krummi Björgvinsson, oft kallaður Krummi í Mínus, greindi frá því á Facebook-síðu sinni í gærkvöldi að hann hefði farið í rannsóknir á lungnadeild Borgarspítalans sem hafi leitt í ljós að hann gæti verið með berkla. Það skýrist þó bráðlega hvort það sé rétt.

Telja nýjar EES-reglur ekki standast stjórnarskrána

Nýjar reglur Evrópusambandsins (ESB) sem Íslandi ber að taka upp vegna samningsins um Evrópska efnahagssvæðið (EES) stangast á við íslensku stjórnarskrána, samkvæmt mati sérfræðinga í stjórnskipunarrétti.

Vel horfir með Evrópustyrk til rannsókna á eldfjöllum

Jarðvísindastofnun Háskóla Íslands mun í samvinnu við Veðurstofu Íslands leiða samevrópskt verkefni 26 rannsóknastofnana og fyrirtækja sem góðar líkur eru á að verði fjármagnað með styrk frá Evrópusambandinu. Verkefnið nefnist Evrópsk ofurstöð í eldfjallafræði á Íslandi (FutureVolc).

Bremsulaus vörubíll með of þungan farm

Lögreglan hafði afskipti af vörubíl með eftirvagn í austurborginni í gærmorgun en grunsemdir vöknuðu um að verið væri að flytja farm sem væri í engu samræmi við heimild.

Krummi í einangrun - gæti verið með berkla

Það skýrist bráðlega hvort að Krummi Björgvinsson, oft kallaður Krummi í Mínus, sé með berkla. Hann var lagður inn á lungnadeild Borgarspítalans í gær og hefur verið í einangrun síðan.

Þetta á ekki að vera styrjöld

Styr hefur staðið um frumvörp Steingríms J. Sigfússonar um fiskveiðistjórnunarkerfi og veiðigjöld. Fjöldi umsagna hefur litið dagsins ljós og eru þær nánast allar neikvæðar. Á miðvikudag var lagt fram álit sérfræðinga atvinnuveganefndar sem segja frumvarpið munu ganga af fjölda sjávarútvegsfyrirtækja dauðum.

Persónuvernd varar við töfum

Þrátt fyrir að málum sem berast Persónuvernd hafi stöðugt fjölgað hefur starfsmönnum þar fækkað. „Það sem af er þessu ári hafa 612 ný mál verið skráð hjá stofnuninni. Til samanburðar voru nýskráð mál þann 1. maí 2008 alls 361. Er því um 75 prósenta aukningu að ræða á fjórum árum,“ segir í frétt Persónuverndar.

Stjórnarskráin stöðvar eftirlitsstofnanir

Íslandi ber vegna aðildar að EES að innleiða reglugerðir um nýjar evrópskar stofnanir með miklar heimildir tengdar fjármálamörkuðum. Sérfræðingar í stjórnskipunarrétti telja að með því myndu stjórnvöld brjóta stjórnarskrá.

Ísland vill fá að sleppa við sumartímann

Samningsafstaða Íslands varðandi flutningastarfsemi annars vegar og frjálsa vöruflutninga hins vegar í samningaviðræðum Íslands og Evrópusambandsins hefur verið kynnt framkvæmdastjórn ESB og aðildarríkjunum. Meðal þess sem þar kemur fram er að Ísland vill sleppa við að taka upp sumartíma, komi til aðildar.

Guðrún J. Halldórsdóttir látin

Guðrún J. Halldórsdóttir, fyrrverandi skólastjóri Námsflokka Reykjavíkur og alþingismaður fyrir Kvennalistann, lést miðvikudaginn 2. maí 77 ára að aldri.

Íbúar í Mosfellsbæ vilja ekki Sorpu áfram

Íbúafundur sem haldinn var í Mosfellsbæ í gærkvöldi um starfssemi Sorpu í Álfsnesi, skorar á stjórn Sorpu og aðildarsveitarfélög að finna nýtt framtíðarsvæði fyrir starfssemi Sorpu, en sorphaugar eru í Álfsnesi.

Tveir á sjúkrahús eftir eldsvoða á Akureyri

Eldur kviknaði í tauþurrkara í þvottahúsi í sambýlishúsi á Akureyri á tólfta tímanum í gærkvöldi.

Erfitt að halda athöfn með presti

Theodór Kr. Þórðarson, yfirlögregluþjónn í Borgarfirði og Dölum, segir líkgeymslumál í Borgarfirði í ólestri. Vandamálið sé í senn viðkvæmt og aðsteðjandi og nauðsynlegt að bregðast við því hið fyrsta.

Staða íslenska laxins góð í alþjóðlegu tilliti

Íslenski laxastofninn stendur frekar vel. Af 400 laxám í Noregi hefur verið lokað fyrir veiði í 124 ám. Vestanhafs er Atlantshafslax á lista yfir dýr í útrýmingarhættu. Mjög misjafnt er milli landa hversu miklu af veiddum laxi er sleppt.

Lögreglan þurfti að taka drukkinn breskan sjóliða úr umferð

"What shall we do with a drunken sailor", spurðu lögreglumenn sig í nótt, þegar þeir þurftu að hafa afskipti af drukknum breskum sjóliða í Reykjavík.

Hægfara þing haldi áfram fram á sumar

Alþingi mun starfa fram í júní eða júlí gerist þess þörf. Þetta sagði Jóhanna Sigurðardóttir forsætisráðherra í þinginu í gær. Hún sagði þó að vel ætti að vera hægt að ljúka þingstörfum fyrir 31. maí eins og starfsáætlun gerir ráð fyrir, ef vilji væri fyrir hendi.

Erfitt að tæma ósamþykkta brunahúsið

„Við tæmum yfirleitt svona hús en þarna er leigusamningur í gildi þannig að við getum í rauninni ekki tæmt það,“ segir Magnús Steinþór Pálmarsson, talsmaður eignaumsýslufélagsins Dróma, um ósamþykkt íbúðarhúsnæði að Vesturvör 27 í Kópavogi, þar sem eldur kom upp í fyrrinótt.

Ofbeldi gagnvart starfsfólki algengt

Tæpur þriðjungur starfsfólks geðsviðs Landspítalans hefur orðið fyrir líkamlegu ofbeldi síðasta hálfa árið. Um helmingur hefur orðið fyrir andlegu ofbeldi og tæplega fjórtán prósent fyrir kynferðislegu ofbeldi. Gerendur eru í langflestum tilvikum sjúklingar.

Dvöldu í sumarhúsi á Egilsstöðum og sögðust vera í Bandidos

Orðrómur um að meðlimir vélhjólagengisins Bandidos hefðu heimsótt Egilsstaði um páskahelgina á ekki við rök að styðjast, segir yfirlögregluþjónn á Egilsstöðum.

Breskur sjóliði um drykkju og skemmtanir: "Sjómenn kjafta aldrei frá"

Breska freigátan Saint Albans kom í vináttuheimsókn til Reykjavíkur í morgun. Þetta er fyrsta breska herskipið sem kemur hingað til lands frá því Bretar beittu hryðjuverkalögum gegn Íslandi.

Þurfa að halda sig inni vegna ruslalyktar

Grafarvogsbúar hafa fengið sig fullsadda af súrri gaslykt og óþef af rusli sem leggur frá urðunarstaðinum á Álfsnesi og vilja starfsemina burt. Dæmi eru um að íbúar hafi þurft að halda sig inni við vegna ólyktar.

"Ef ég hefði vaknað klukkutíma seinna hefði ég dáið"

Þriggja ára gömul stúlka og fjórir fullorðnir voru í lífshættu þegar eldur kom upp í ósamþykktu íbúðarhúsnæði í eigu Dróma í Kópavogi í nótt. Íbúi segir engar brunavarnir vera í húsinu og að það hafi verið lán að ekki fór verr.

Utankjörfundaratkvæðagreiðsla hefst á laugardaginn

Innanríkisráðuneytið hefur sent sýslumönnum og utanríkisráðuneytinu kjörgögn svo atkvæðagreiðsla utan kjörfundar geti hafist hér á landi og erlendis vegna kjörs forseta Íslands.

Þórólfur: Allt opinberar upplýsingar

"Þetta heitir að hlaupa í manninn en láta boltann vera. Allar þær upplýsingar sem ég nefni þarna eru opinberar upplýsingar, eða upplýsingar sem ég hef fengið eftir öðrum leiðum," segir Þórólfur Matthíasson, sem ritaði grein í Fréttablaðið í dag um ársreikninga Bændasamtakanna.

Tillögur um brýr yfir Elliðaárósa kynntar

Vinningstillaga um göngu- og hjólabrýr yfir Elliðaárósa og hjólaleið um norðurenda Geirsnefns var kynnt í dag.

Dallas snýr aftur á Stöð 2 í sumar

"Það sat öll þjóðin spennt á miðvikudagskvöldum eftir þessum þáttum,“ segir Skarphéðinn Guðmundsson, dagskrárstjóri Stöðvar 2. Þann 13. júní næstkomandi mun stöðin taka til sýninga hina gífurlega vinsælu þætti Dallas.