Þarf allt að 10 gengisdóma

Samráðshópur banka og skuldara upplýsti í dag að upp undir tíu prófmál þurfi að fara fyrir dómstóla til að eyða óvissunni sem skapaðist af síðasta gengislánadómi Hæstaréttar. Umboðsmaður skuldara vonar að málaferlunum ljúki strax í haust.

Ræktaði kannabis í blokk

Lögreglan stöðvaði kannabisræktun í íbúð í fjölbýlishúsi í Kópavogi í dag. Við húsleit á áðurnefndum stað var lagt hald á 70 kannabisplöntur á ýmsum stigum ræktunar. Tvö af herbergjum íbúðarinnar voru sérstaklega útbúin fyrir þessa starfsemi. Húsráðandi, karl á fertugsaldri, var handtekinn á vettvangi og færður til yfirheyrslu. Hann hefur ekki áður komið við sögu hjá lögreglu.

Ögmundur segist hafa komið alsírsku drengjunum úr fangelsi

Piltarnir tveir, sem voru dæmdir í 30 daga fangelsi, eru ekki lengur í fangelsi, eins og hefur verið gagnrýnt, heldur er annar þeirra er vistaður á einkaheimili en hinn er á stofnun, eins og Ögmundur Jónasson, innanríkisráðherra orðar það, í viðtali við Síðdegisútvarpið á Rás 2.

Segja fangelsun brjóta gegn barnasáttmála Sameinuðu þjóðanna

Málefnahópur Dögunar um málefni hælisleitenda og innflytjenda mótmælir harðlega dómi héraðsdóms yfir tveimur hælisleitendum frá Alsír, fimmtán og sextán ára drengjum, sem dæmdir voru í þrjátíu daga óskilorðsbundið fangelsi fyrir að framvísa fölsuðum vegabréfum við komuna til landsins.

Segist næstum hafa misst formannsstól vegna orðaskipta við Baugsveldið

"Kenningin sem þú nefnir spratt helst upp á bloggsíðum Björns Bjarnasonar. Sjálfur tapaði ég næstum formannssætinu fyrr en ella fyrir samskipti min ill og hörð við Baugsveldið," svarar Össur Skarphéðinsson, utanríkisráðherra, í svokallaðri Beinni línu á dv.is, þar sem almenningi gefst færi á að spyrja ráðherrann út í þau mál sem brenna þeim á brjósti. Þarna svaraði Össur spurningu Ara Brynjólfssonar sem spurði:

Aron Karlsson: "Ég lýsi mig saklausan"

"Ég lýsi mig saklausan af öllum sakargiftum,“ sagði Aron Karlsson kaupsýslumaður við þingfestingu ákæru á hendur honum í Héraðsdómi Reykjavíkur í dag.

Segir vel tekið á eineltismálum í skólanum

"Þegar einelti kemur upp, eða ávæningur af slíku berst til okkar, fer af stað ákveðið ferli, þar sem meðal annars eru strax tekin viðtöl við þá sem eiga hlut að máli,“ útskýrir Birgir Edwald, skólastjóri Sunnulækjarskóla, en móðir nemanda skólans ræddi við sunnlenska fréttavefinn DFS í gær, þar sem hún lýsti því hvernig tíu ára sonur sinn þyrfti að þola rætið einelti í skólanum.

Telja að piltarnir séu eldri en þeir segjast vera

Lögreglustjórinn á Suðurnesjum segir að rökstuddur grunur leiki á að þeir aðilar sem dæmdir voru til 30 daga fangelsisrefsingar þann 30. apríl síðastliðinn og sögðust vera 15 og 16 ára séu eldri en þeir fullyrða.

Frikki aftur á meðal þeirra bestu í Kaupmannahöfn

Íslenski veitingastaðurinn Laundromat Cafe á Gl. Kongevej í Kaupmannahöfn hefur verið tilnefndur til verðlaunanna "Best Brunch in Town" sem vefsíðan Alt om Kobenhavn heldur úti. Vefsíðan er í eigu dagblaðsins Berlinske Tidende.

Ljótt einelti á Selfossi - tróðu hundaskít í úlpuvasa drengs

Móðir 10 ára nemenda í skóla á Selfossi hafði samband við sunnlenska fréttavefinn DFS og sagðist hafa verið mjög brugðið þegar hún sótti son sinn í skólann í hádeginu í gær.

Lynch á Skype í Gamla bíói

"Þessi samkoma er fyrir alla þá sem hafa áhuga á innhverfri íhugun eða hafa lært hana,“ segir Sigurjón Sighvatsson, kvikmyndaframleiðandi, um dagskrá um innhverfa íhugun í Gamla bíói. "Þessi samkoma er fyrir alla þá sem hafa áhuga á innhverfri íhugun eða hafa lært hana,“ segir Sigurjón Sighvatsson, kvikmyndaframleiðandi, um dagskrá um innhverfa íhugun í Gamla bíói í kvöld þar sem David Lynch ávarpar viðstadda í gegnum samskiptaforitið Skype.

Strandaði vestan við Hornafjörð

Hraðfiskibátur sem strandaði í sandfjöru norðaustur af Hrollaugseyjum, eða vestan við Hornafjörð, snemma í morgun er með skemmda skrúfu en er ekki skemmdur að öðru leyti samkvæmt upplýsingum frá lóðsinum. Skipverjann, sem var einn á skipinu, sakaði ekki. Eftir að báturinn náðist á flot sigldi hann fyrir eigin vélarafli áleiðis til Hornafjaðrar í samfloti við björgunarskipið Ingibjörgu og eru þau væntanleg til Hafnar klukkan eitt.

Geimferðaráætlun CCP í beinni útsendingu

Nú á hádegi voru fyrstu skref tekin í Skyward Sphere, geimferðaráætlun CCP í raunheimum. Hylki með nöfnum yfir 350 þúsund EVE Online spilara var sent í loftið með viðhöfn frá Reykjavíkurhöfn - í beinni útsendingu á netinu, í samvinnu við Símann. Áætlanir gera ráð fyrir að hylkið muni ná allt 100 þúsund feta hæð. Um borð eru þrjár myndavélar og ýmis mælitæki sem munu senda allt sem fram fer til höfuðstöðva CCP. Landhelgisgæsla Íslands mun, við hefðbundið eftirlit klukkan hálfþrjú, fylgjast með þegar farið kemur aftur niður til jarðar.

Samherji leggur þremur skipum vegna strandveiðibáta

Samherji hefur lagt þremur fiskiskipum og kaupir þess í stað afla á fiskmarkaði frá strandveiðibátum. Framkvæmdastjóri landvinnslu Samherja segir ólympískar veiðar strandveiðibáta hvergi hafa gefist vel og verð muni lækka til lengri tíma litið.

"Harkalegur dómur“ yfir alsírskum drengjum

Ekki hefur tekist að staðreyna með öruggum hætti réttan aldur tveggja alsírskra drengja sem dæmdir voru í óskilorðsbundið fangelsi fyrir fölsuð vegabréf. Dómur yfir þeim er býsna harkalegur að mati dósents við lagadeild Háskóla Íslands.

Spáð snjókomu um helgina - frost fer niður í 7 gráður

Þó sumarið sé formlega hafið hér á landi, þá náttúruöflin láta sér fátt um finnast en spáð er snjókomu og slyddu á norðausturlandi. Þannig er spáð slyddu á Húsavík og snjókomu á Raufarhöfn næsta sunnudag samkvæmt veðurspá Veðurstofu Íslands. Þá verður einnig slydda á Blönduósi og Stykkishólmi. Einnig verður snjókoma á Vestfjörðum.

Buster kom upp um konu sem ræktaði kannabis

Lögreglumaður í almennu umferðareftirliti hafði skömmu fyrir miðnætti í gær afskipti af ungri konu sem ók bifreið sinni austur Suðurlandsveg í Ölfusi. Við fyrstu samskipti vaknaði grunur um að ökumaðurinn væri undir áhrifum fíkniefnum.

Íslandsþáttur Mörthu Stewart sýndur í dag

Dorrit Mousieff verður í sjónvarpsþætti Mörthu Stewart sem sýndur verður í Bandaríkjunum í dag. Í þættinum verður ítarlega fjallað um Ísland, meðal annars ferðaþjónustu, hönnun, hollustu, íslenska hestinn og mat. Þættirnir, sem eru afar vinsælir í Bandaríkjunum, eru einnig sýndir í yfir 50 löndum.

Skortur á vinnuafli í Eyjum

Skortur er á vinnuafli í Vestmannaeyjum og þar er atvinnuleysi langt undir landsmeðaltali. Að sögn viðmælanda Fréttastofu skortir einkum fólk til þjónustu- og verslunarstarfa því unga fólkið stílar upp á uppgripavinnu í fiskvinnslunni, ekki síst þegar makrílveiðarnar hefjast.

Miklu fleiri börn leita hælis í ár en árin á undan

Mun fleiri börn hafa leitað hælis á Íslandi í ár en árin á undan, segir Bragi Guðbrandsson, forstjóri Barnaverndastofu. Á árunum 2007 - 2011 komu alls 7 börn til landsins. Það sem af er árinu 2012 hafa komið fimm börn. "Það virðist vera stórfelld aukning á þessu ári í fjölda barna sem leita hælis hér - á árabilinu 2007 - 2011 voru þetta samtals sjö einstaklingar yngri en 18 ára sem leita hælis. en á þessu ári eru þau orðin fimm nú þegar,“ segir Bragi. Að vísu hafi orðið veruleg fjölgun fullorðinna sem leiti hælis hér líka.

Flytur á Hrafnistu ef hún fær svítu

„Geðshræringin var svo mikil að sjá allt þetta fólk að ég brast bara í grát,“ segir Þórdís Hreggviðsdóttir sem í gær hlaut viðurkenningu fyrir störf sín á Hrafnistu síðustu 45 árin.

Kirkjan á inni tvo milljarða

Mistök voru gerð í fjárúthlutunum til þjóðkirkjunnar. Engar verðbætur voru greiddar með sóknargjöldum eftir hrun. Innanríkisráðherra sagði á fundi að ríkið muni leiðrétta mistökin. Söfnuðir stefna í gjaldþrot.

Vegna fréttar sem birtist í Kvöldfréttum Stöðvar 2 í fyrradag og á Vísi er fjallaði um verðsamanburð Byko, Húsasmiðjunnar og Bauhaus er rétt að koma eftirfarandi á framfæri.

Eigum kolefnin í trjánum okkar

Félag skógareigenda á Suðurlandi segir að í frumvarpi um loftslagsmál sé gert ráð fyrir að kolefnisbinding í skógum verði eign ríkisins. „Skógareigendur telja að þar sé vegið nærri eignarréttinum og ekki gefið að það standist stjórnarskrá.“ segir í ályktun félagsins sem einnig hefur athugasemdir við lagafrumvarp um mat á umhverfisáhrifum. „Sá kostnaðarauki sem frumvarpið hefur í för með sér getur hæglega valdið því að aðeins sterkefnaðir aðilar hafi tök á að hefja nytjaskógrækt.“- gar

Ákærðir fyrir óhlýðni við hafnarstjóra

Sýslumaðurinn á Akureyri hefur ákært tvo menn fyrir að óhlýðnast ítrekað fyrirmælum hafnarstjórans á Oddeyrarbryggju á Akureyri og starfrækja þar í óleyfi rútuþjónustu fyrir farþega skemmtiferðaskips dag einn í ágúst 2010. Annar mannanna er Björn Mikaelsson, sem um árabil gegndi stöðu yfirlögregluþjóns á Sauðárkróki.

Tíu stiga frost á Þingvöllum í nótt

Enn var næturfrost víðast hvar á landinu og ekki er spáð nema tveggja til átta stiga hita í dag. Tíu stiga frost mældist á Þingvöllum í nótt, en liðlega þriggja stiga hiti var í Vestmannaeyjabæ. Spáð er hægri breytilegri átt í dag með skúrum sunnanlands og á Vestfjörðum.

Aldrei fleiri Erasmus-nemar

Meira en 230 þúsund manns nýttu sér Eramus, háskólaáætlun Evrópusambandsins, á síðasta skólaári, fleiri en nokkru sinni fyrr.

Áhrif netsins á lýðræði skoðuð

Vaxandi áhrif netsins á lýðræðið er eitt umfjöllunarefna í opnum fyrirlestri Hauks Arnþórssonar, stjórnsýslufræðings og sérfræðings í rafrænni stjórnsýslu, í Lögbergi Háskóla Íslands í hádeginu í dag.

Styrkja skólabókasöfn til bókakaupa

Fjörutíu skólabókasöfn fá í dag afhenta styrki til bókakaupa úr Skólabókasjóði, en styrkur þessi er hluti af verkefninu Ávísun á lestur sem Félag íslenskra bókaútgefenda stendur fyrir.

Árétting vegna verðsamanburðar

Vegna fréttar sem birtist í Kvöldfréttum Stöðvar 2 í fyrradag og á Vísi er fjallaði um verðsamanburð Byko, Húsasmiðjunnar og Bauhaus er rétt að koma eftirfarandi á framfæri.

Úr sól í snjó á nokkrum klukkutímum

Mörgum íbúum á höfuðborgarsvæðinu brá heldur betur í brún þegar að þeir litu út um gluggann í kvöld og sáu snjó falla til jarðar. Það verður að teljast fremur óvenjulegt svona miðað við sólina og bláa himininn síðustu daga.

Leituðu að ungum stúlkum í Kópavogi

Tvær ungar stúlkur, fimm og sex ára fóru heldur langt frá heimili sínu í Kópavoginum í dag, eftir fjörugan leik í garðinum. Eftir þó nokkra leit með aðstoð nágranna, vina og vandamanna auk lögreglu fundust stúlkurnar heilar á húfi. Höfðu þær brugðið sér á skólalóð þó nokkuð frá. Lögreglan segir að þetta sé ágæt áminnig fyrir forráðamenn að kenna börnum sínum eða minna á mikilvægi þess að láta vita hvar þau ætla vera og eftir atvikum hvert þau ætla að fara.

Tólf ára strákur telur sig hafa fæðst í röngum líkama

"Ég er kannski ekkert öðruvísi því við erum öll eins,“ segir Michael Magnús De Leon, tólf ára strákur sem telur sig hafa fæðst í röngum líkama. Móðir hans sem fyrst vakti athygli á börnum í kynáttunarvanda hér á landi hefur nú skrifað barnabók í samvinnu við son sinn um hvað það er að vera öðruvísi, í þeim tilgangi að draga úr fordómum og auka fræðslu.

Sex ára drengur varð vitni að morðtilræði við móður sína

Karlmaður sem sakaður er um að hafa reynt að bana eiginkonu föður síns þann 1. apríl síðastliðinn mun sæta gæsluvarðhaldi til 30. maí næstkomandi. Hæstiréttur staðfesti gæsluvarðhaldsúrskurðinn í dag.

Með kannabisræktun í kjallaranum

Lögreglan á höfuðborgarsvæðinu stöðvaði kannabisræktun í fjölbýlishúsi í vesturbæ Reykjavíkur í dag. Við húsleit á áðurnefndum stað fundust 115 kannabisplöntur á ýmsum stigum ræktunar. Geymslurými í kjallara hússins hafði verið innréttað og útbúið til ræktunarinnar. Karl á fertugsaldri, íbúi í húsinu, var yfirheyrður á vettvangi og játaði hann aðild sína að málinu.

Ungbarnaeftirlitið til fyrirmyndar

Katrín Júlíusdóttir iðnaðarráðherra felldi tár yfir bágri stöðu mæðra og kvenna í Gíneu-Bissá og þykir lán að hafa fengið að ganga með tvíburastráka sína hér á landi. Það er engin furða þar sem íslensk börn og mæður þeirra hafa það einna best samkvæmt ársskýrslu Barnaheilla.

Hestar og börn sigldu út í Viðey

Það var mikið um á vera á Skarfabakkanum í dag þegar leikskólabörn og ferfætlingar lögðu upp í sjóferð.

Tveir framhaldsskólar með enga íþróttakennara

Engir íþróttakennarar eru starfandi við tvo framhaldsskóla á landinu en skólarnir senda nemendurna þess í stað líkamsræktarstöðvar. Prófessor í íþrótta- og heilsufræði segir þetta skelfilega þróun.

Fjöldi einstæðra foreldra í vanda

Hátt í fimmtungur einstæðra foreldra var í alvarlegum vanskilum um síðustu mánaðarmót. Einstæðir foreldrar eru um helmingur þeirra sem þiggja mataraðstoð frá Hjálparstarfi kirkjunnar.

Stuðningur vegna Ólympíuleika aukinn um 15 milljónir

Á fundi ríkisstjórnar Íslands á Egilsstöðum í dag var samþykkt að auka stuðning ríkisins við Íþrótta- og Ólympíusamband Íslands vegna undirbúnings og þáttöku íslenskra íþróttamanna á Ólympíuleikunum í London um 15 milljónir króna.

Reyndi að reykja búnt af sígarettum og kveikti í svölunum

Nokkrir unglingspiltar í Reykjavík voru að fikta með sígarettur á trésvölum í íbúðarhúsi á dögunum samkvæmt tilkynningu frá lögreglunni. Einn þeirra gekk þó lengra en hinn venjulegi reykingamaður, því sá batt saman allnokkrar sígarettur og hugðist reykja þær allar í einu.

Ámælisvert hjá stjórnmálaflokkum á þingi að skila upplýsingum of seint

Sveinn Arason ríkisendurskoðandi telur það ámælisvert að stjórnmálahreyfingar skili ekki upplýsingum um fjármál innan settra tímafresta. Þannig skiluðu þrír stjórnmálaflokkar á Alþingi upplýsingum um fjármál flokkanna of seint, eða eftir 1. október 2011.

Markmiðum um sjálfbæra uppbyggingu stefnt í hættu

Þingsályktunartillaga um vernd og orkunýtingu landsvæða sem nú liggur fyrir Alþingi stefnir markmiðum um sjálfbæra uppbyggingu raforkuframleiðslunnar í hættu. Þetta er mat Orkustofnunar sem hefur sent Alþingi umsögn um tillöguna. Í umsögninni er bent á að við undirbúningsvinnu við áætlun um vernd og orkunýtingu sat orkumálastjóri í verkefnisstjórn um rammaáæltun um nýtingu vatnsafls og jarðavrma sem iðnaðarráðherra skipaði í samráði við umhverfisráðherra í ágúst 2007.

Íslenskur hagfræðingur tekur þátt í Ólympíuleikunum

"Ég veit ekki alveg hvað ég er að fara að gera, það er enn mikil leynd í kringum þetta,“ segir einn óvæntasti þátttakandi Íslendinga í Ólympíuleikunum, en hagfræðingurinn Þóra Helgadóttir mun þó ekki keppa fyrir hönd Íslands, hún mun dansa í lokaathöfninni á Ólympíuleiknum í ágúst næstkomandi.

Borgarafundur með sendiherra ESB í Iðnó

Evrópustofa efnir til borgarafundar í dag í Iðnó með sendiherra ESB á Íslandi, Timo Summa. Fundurinn hefst klukkan fimm og stendur í klukkustund. Í tilkynningu kemur fram að fundurinn sé liður í Evrópuviku sem Evrópustofa stendur fyrir í tilefni af Evrópudeginum 9. maí. Hann verður túlkaður í heild sinni, bæði inngangserindi sendiherrans sem og umræður í kjölfar þess. Boðið verður upp á kaffi og kleinur.