Einar segir upp hjá Íslandspósti

Einar Þorsteinsson forstjóri Íslandspósts sagði fyrirvaralaust upp störfum í gær og hættir í dag. Anna Guðmundsdóttir fjármálastjóri fyrirtækisins og Andrés Magnússon starfsmannastjóri sinna störfum hans þar til nýr forstjóri hefur verið ráðinn.

Sjálfstæðismenn vilja framkvæmdir

Sjálfstæðismenn ætla að leggja til á fundi samgöngunefndar borgarinnar í dag að hætt verði við að fresta mislægum gatnamótum Miklubrautar og Kringlumýrarbrautar. Þau verði skilgreind sem forgangsframkvæmd og markvisst haldið áfram því ferli sem þegar er hafið með mati á umhverfisáhrifum.

93% horfa á RÚV

93% horfðu eitthvað á Ríkissjónvarpið í ágústmánuði, 74% á Stöð tvö og 72% á Skjá einn, samkvæmt nýrri könnun frá Gallup. Fréttir Ríkissjónvarpsins voru vinsælasta sjónvarpsefnið en 44,3% horfðu á þær.

Steingrímur mótmælir

Steingrímur J. Sigfússon formaður vinstri grænna segir að hugmyndafræði stjórnarflokkkanna í málefnum Landssímans, gangi út á að skjóta fyrst og spyrja svo. Ef einkavæða eigi Landssímann áður en klárað verður að byggja upp viðunandi dreifikerfi sé verið að snúa hlutunum á haus.

Misskilningur hjá Kennarasambandi

Talsmenn Íslandsbanka og Sjóvá Almennra segja viðbrögð Kennarasambandsins við fyrirhuguðum heilsuskóla fyrir grunnskólabörn, ef til kennaraverkfalls kemur, koma á óvart og að þau hljóti að vera byggð á misskilningi. Fyrirtækin séu ekki aðilar að vinnudeilunni og þyki miður að vera dregin inn í þá umræðu.

Menntun á Íslandi minni en í OECD

Þrjátíu prósent Íslendinga hafa ekki lokið neinu framhaldsnámi en meðaltalið í OECD löndunum er nítján prósent. Einungis í fjórum löndum er meðaltalið hærra, í Mexíkó, Portúgal, Spáni og Tyrklandi. Litið er svo á að þessi hópur eigi erfitt uppdráttar og eigi á hættu að sitja eftir í nútíma þjóðfélagi sem krefjist menntaðs vinnuafls.

Launanefnd rithöfunda gagnrýnd

Umboðsmaður alþingis telur að launanefnd rithöfunda í fyrra hafi ekki fullnægt þeim kröfum sem gera þurfi til undirbúnings ákvarðana um úthlutanir úr sjóðnum. Höfundur sem ekki fékk úthlutun kvartaði til umboðsmanns og taldi höfnunina ekki byggjast á málefnalegum sjónarmiðum.

Jón formaður Einkavæðingarnefndar

Jón Sveinsson lögfræðingur verður næsti formaður Einkavæðinganefndar. Hann tekur við af Ólafi Davíðssyni ráðuneytisstjóra Forsætisráðuneytisins sem gengt hefur formennsku undanfarin ár. Jón Sveinsson hefur átt sæti í nefndinni um tíma. Stærsta verkefnið framundan hjá nefndinni er fyrirhuguð einkavæðing Landssímans.

Tillaga D-lista felld

Fulltrúar Reykjavíkurlistans felldu í dag tillögu sjálfstæðismanna, um að hætt yrði við að fresta mislægum gatnamótum Miklubrautar og Kringlumýrarbrautar. Sjálfstæðismenn vilja að gatnamótin verði skilgreind sem forgangsframkvæmd og markvisst haldið áfram því ferli sem þegar er hafið með mati á umhverfisáhrifum.

Netið að hrynja undan álagi

Fréttirnar sem Netnotendur vilja ekki heyra: Veraldarvefurinn er að hruni kominn. Þannig hljóðar upphaf fréttar í breska dagblaðinu The Guardian í morgun. Vitnað er í ummæli Patricks Gelsinger, tækistjóra hjá örgjörvarisanum Intel, en hann sagði að Netið gæti ekki lengur ráðið við umferðarþungann sem fer um kerfið.

Rannveig forsetaefni

Á fundi Íslandsdeildar Norðurlandaráðs í dag var ákveðið samhljóða að Rannveig Guðmundsdóttir yrði tilnefnd sem forsetaefni ráðsins og Jónína Bjartmarz sem varaforsetaefni fyrir starfsárið 2005. Formlega verður kosið í embættin á þingi Norðurlandaráðs í Stokkhólmi 1. til 3. nóvember næstkomandi en Ísland fer með forsæti Norðurlandaráðs á næsta ári.

Davíð kveður sem forsætisráðherra

Davíð Oddsson stýrði sínum síðasta ríkisstjórnarfundi sem forsætisráðherra í morgun, en hann lætur af embættinu á morgun, og sest þá í stól utanríkisráðherra, og Halldór Ásgrímsson, sem gegnt hefur embætti utanríkisráðherra í níu ár, tekur við lyklavöldunum í Stjórnarráðinu.

Gríðarlegar tekjur af stangveiði

Tekjur af stangveiði hér á landi skila þjóðarbúinu allt að níu milljörðum króna á ári. Þetta kemur fram í nýrri úttekt Hagfræðistofnunar Háskóla Íslands. Umsvif stangveiða skapa um eittþúsund störf á ári og þær geta skipt sköpum um hvort byggð haldist á ákveðnum svæðum landsins.

Heilsuskóli er verkfallsbrot

Kennarasambandið telur það verkfallsbrot ef fyrirtæki bjóða upp á barnagæslu fyrir starfsmenn meðan á kennaraverkfalli stendur. Íslandsbankamenn lýsa undrun sinni yfir þessari afstöðu.

Tek við góðu búi

Sigríður Anna Þórðardóttir tekur við embætti umhverfisráðherra í dag. Hún hlakkar til að takast á við starfið enda umhverfismálin vaxandi málaflokkur. </font /></b />

Jón byrjar á Símanum

Jón Sveinsson verður næsti formaður einkavæðingarnefndar. Stærsta verkefni hans verður að selja Símann. Þingmenn Framsóknarflokksins hafa sett það skilyrði fyrir sölunni að lokið verði við uppbyggingu á dreifikerfi fyrirtækisins. Dreifikerfi er hins vegar loðið hugtak og ekki á hreinu við hvað er átt.

Tveir reikningar Valgerðar

Skipulagsstofnun segir að með rafskautaverksmiðju í Hvalfirði verði losunarheimildum Íslands samkvæmt Kyoto-bókuninni nærri náð. Valgerður Sverrisdóttir iðnaðarráðherra segir þetta þó ekki koma í veg fyrir álver á Norðurlandi þar sem sú mengun færist á annan reikning.

Kveikt í Brekku

Eldur sem kom upp í bænum Brekku í Hvalfirði aðfararnótt mánudags var af völdum íkveikju.

Áróður dreginn til baka

Umhverfisverndarsamtökin Monteray Bay Aquarium ætla að hætta að dreifa áróðri um að íslenski þorskurinn sé í útrýmingarhættu. Þetta kemur fram í svari samtakanna við bréfi utanríkisráðuneytisins þar sem gerðar voru athugasemdir við fullyrðingar samtakanna sem birtust í bæklingi til neytenda í Bandaríkjunum og Kanada.

Mikil kornrækt á Suðurlandi

Sunnlenskir bændur hafa nýtt uppstyttuna síðustu daga til að skera korn eftir langa rigingatíð. Sumarið hefur þó reynst kornræktendum hagstætt og er kornið orðið vel þroskað.

Forsætisráðherrar á prent

Ákvörðun Davíðs Oddssonar um að selja Björgólfi Guðmundssyni og samstarfsmönnum hans ráðandi hlut í Landsbankanum er ein sú örlagaríkasta sem hann hefur tekið á stjórnmálaferli sínum. Þetta er meðal þess sem fram kemur í ritverkinu Forsætisráðherrar Íslands. Davíð tók við fyrsta eintakinu í Þjóðmenningarhúsinu í dag.

Þjóðarbókhlaðan opin of stutt

Formaður stúdentaráðs Háskóla Íslands segir að skertur opnunartími Þjóðarbókhlöðunnar komi illa niður á háshólastúdentum, sem þannig fái ekki eðlilegan aðgang að nauðsynlegri lesaðstöðu og lesefni. Um tvö hundruð námsmenn nýta sér venjulega bókasafnið á kvöldin, en ekki verður boðið upp á slíka þjónustu í vetur.

Misjöfn verkfallsstaða einkaskóla

Staða einkarekinna grunnskóla er misjöfn. Í dag skýrist hvort komi til verkfalls í Ísaksskóla í Reykjavík. Allt eins gæti svo farið að aðeins helmingur kennara fari í verkfall, segir Edda Huld Sigurðardóttir skólastjóri.

Kjaraviðræður á viðkvæmu stigi

Viðræður samningsnefnda grunnskólakennara og sveitarfélaga eru á mjög viðkvæmu stigi. Þær hafa sammælst um að Ásmundur Stefánsson ríkissáttasemjari greini frá niðustöðu funda þeirra.

SA segja fyrirtækin í rétti

Kennarasamband Íslands telur að um skýlaust verkfallsbrot sé að ræða bjóði fyrirtæki eða starfsmannafélög upp á gæslu fyrir börn komi til verkfalls. Þessi áform séu í það minnsta siðlaus ef ekki lögbrot. Samtök atvinnulífsins segja að samkvæmt vinnurétti sé fyrirtækjum það heimilt.

Hægt að afstýra verkfalli

Hægt væri að afstýra kennaraverkfalli ef umræður um vinnutíma og kennsluskyldu væru teknar út af samningaborðinu. Það segir Gísli Baldvinsson, námsráðgjafi í Síðuskóla á Akureyri og fyrrum formaður Kennarafélags Reykjavíkur.

Hefur aflétt óðalskvöðum

Sýslumaður hefur aflétt óðalskvöðum vegna Brautarholts númer fimm og tíu á Kjalarnesi en þar er löglegur handhafi eignanna svínabúið á Brautarholti. Í síðasta mánuði stöðvaði sýslumaður uppboð á hluta jarðarinnar Brautarholts þar sem jörðin lyti lögum um óðalsjarðir.

Sló mann með glerglasi

Rúmlega tvítugur maður hefur verið ákærður af ríkissaksóknara fyrir sérlega hættulega líkamsárás. Hann er sakaður um að hafa slegið annan mann í höfuðið með glerglasi þannig að glasið brotnaði. Málið var þingfest í Héraðsdómi Reykjaness í gær.

Ekki draumastarf stjórnmálamanns

Halldór Ásgrímsson hefur setið lengst utanríkisráðherra og verið ráðherra alls í rúm sautján ár. Hann tekur við embætti forsætisráðherra í dag og segir að embættinu fylgi mikil ábyrgð og það reyni mikið á. Hann segir það ekki endilega draumastarf hvers stjórnmálamanns. </font /></b />

Blandaðist í gjaldþrotið

"Þegar hringt er í verslunina svarar skiptastjóri Véla og þjónustu þannig að gjaldþrot þeirra hefur komið illa við okkur," segir Róbert Schmidt, verslunarstjóri sportbúðarinnar Títan.

Halldór forsætisráðherra

Halldór Ásgrímsson tekur við embætti forsætisráðherra í dag. Hann segir að undirbúningur að aðildarviðræðum um inngöngu Íslands í Evrópusambandið sé þegar hafinn þótt ekki sé víst hvenær af þeim verði. </font /></b />

Krafist 290 milljóna í bætur

Fjórir menn hafa verið ákærðir af ríkislögreglustjóra fyrir brot á útvarpslögum sem framkvæmdastjórnarmenn Kaplavæðingar. Mennirnir fjórir eru sakaðir um að hafa tekið á móti læstum útsendingum frá átta erlendum sjónvarpsstöðvum, opnað þær með myndlyklum, í þeim tilgangi að veita einstaklingum sem ekki voru áskrifendur aðgang að útsendingunum.

Stólaskipti á ríkisráðsfundi

Ríkisráð Íslands hefur verið boðað til fundar klukkan eitt í dag og lætur Davíð Oddsson þá af embætti forsætisráðherra eftir 13 ára starf. Samkvæmt venju er síðan strax haldinn nýr ríkisráðsfundur þar sem ráðuneyti Halldórs Ásgrímssonar tekur formlega við.

Nýr formaður einkavæðingarnefndar

Jón Sveinsson, hæstaréttarlögmaður verður formaður einkavæðingarnefndar. Halldór Ásgrímsson, sem tekur við embætti forsætisráðherra í dag sagðist gera ráð fyrir því að Jón yrði formaður en hann hefur setið í nefndinni um árabil.

Davíð til Slóveníu

Davíð Oddsson, sem tekur við embætti utanríkisráðherra í dag, fer til Slóveníu í boði forseta landsins 20. september.

Heimsmet í áfengissköttum

"Við eigum heimsmetið," segir Andrés Magnússon, framkvæmdastjóri Félags íslenskra stórkaupmanna, um áfengisskatta á Íslandi í samanburði við önnur lönd. Skattar á sterkt vín og léttvín eru hvergi hærri en hér. Aðeins Norðmenn eru fyrir ofan okkur í álagningu á bjór.

Helstu deilumál verið afgreidd

"Nú er fiskveiðistefnan komin í eitt kerfi, stærstu deilumálin hafa verið afgreidd og nú er tími til að horfa til framtíðar," segir Árni M. Mathiesen, sjávarútvegsráðherra. Hann segist ekki vita um neina aðra þjóð í heiminum þar sem útgerð er rekin með jafnmiklum myndarskap og á því eigi að byggja næstu áratugi.

Fólk er forsenda lífs í miðbænum

Kraftmiklir borgarar hafa ráðist í umfangsmikið átak til að byggja upp miðbæinn á Akureyri. Fjölga þarf íbúum miðbæjarsvæðisins um þrjú til fjögur þúsund. Vonir standa til að nýr miðbær verði til eftir fimmtán til tuttugu ár. </font /></b />

Verkfall yfirvofandi

Mikið ber enn í milli í kjaradeilu grunnskólakennara og sveitarfélaga, en deilendur funduðu í átta klukkustundir hjá Ríkissáttasemjara í gær. Enn er aðeins verið að ræða málin vítt og breitt og frágangsvinna við einstök atriði er ekki komin í fullan gang.

Tölvupóstsstríð í fyrirtækjum

Tölvupóstur er orðinn eitt skæðasta vopnið í valdabaráttu innan fyrirtækja, segir í niðurstöðum nýrrar rannsóknar frá Monash háskólanum í Ástralíu. Rannsóknin fólst í því að kanna hvernig starfsmenn fyrirtækja nota þessa algengu samskiptaleið en starfsmenn þriggja stórfyrirtækja á mismunandi sviðum voru undir smásjá vísindamanna.

Íslandsbanki með heilsuskóla

Stjórnendur og starfsmenn Íslandsbanka ætla að bjóða börnum starfsmanna upp á svonefndan heilsuskóla, ef til kennaraverkfalls kemur, til að létta áhyggjum af foreldrum, að sögn Herdísar Pálu Pálsdóttur, deildarstjóra í Íslandsbanka:

Stjórnin vill efla dreifikerfið

Vilji er fyrir þvi innan beggja stjórnarflokka til að nýta hluta af því fé sem fæst með sölu Símans til að standa að útboði til að efla dreifikerfið. Öll símafyrirtæki gætu þá boðið í verkið og þannig yrði tryggt að allir landsmenn hefðu jafnan aðgang að gagnaflutningum.

Samstarf um farsímasjónvarp

Stærstu farsímafyrirtæki heims hafa tekið höndum saman um þróun farsímasjónvarps. Fulltrúar Nokia í Finnlandi greindu nýlega frá því að Motorola, NEC, Siemens og Sony Ericsson hefðu sett á laggirnar bandalag, Open Mobile Alliance, til að þróa sjónvarpsþjónustu fyrir farsíma og aðra farandgripi.

Ísjaki á leið til Parísar

Starfsmenn verktakafyrirtækisins Ístaks og skipafélagsins Samskipa hafa í morgun unnið að því að ná tuttugu tonna ísjaka upp úr Jökulsárlóni, sem bera á hróður Íslands langt út fyrir landsteinana, að sögn Ara Trausta Guðmundssonar jarðvísindamanns

Milljónasektir vegna afturvirkni

Tollayfirvöld endurskoðuðu nýlega tolla á matvöru sem flutt hafði verið til landsins í áratugi. Ákvörðunin var afturvirk sex ár aftur í tímann, eins og lög gera ráð fyrir og þurfti viðkomandi verslunarfyrirtæki að greiða fjörutíu og eina milljón í viðbótartolla löngu eftir að varan var seld.